Nen Hulyo 26, 2023, nan-landfall so Super Typhoon Doksuri ed Aparri, Cagayan, ya walad norte na Pilipinas. Say kakasil na dagem na bagyon Egay (say ngaran na bagyo ed Pilipinas) et asabi toy 220 kilometers per hour (137 mph). Lapud satan ya bagyo, aralem so delap ed dakel ya lugar diad Pilipinas.

• Makapaermen ta inatey so sakey ya brother ya naanor ed ilog

• 2 ya abung so aderal ya maong

• 18 ya abung so medyo aderal

• 1 ya Kingdom Hall so medyo aderal

• Itatarya na saray elder so espiritual tan praktikal ya tulong ed saray apektado

Legan tayon aalagaren so panaon ya anggapo lay bagyo, tuloytuloy ya ‘liligliwaen tan papakalmaen’ nen Jehova iray amin ya nasusubok.—Salmo 94:19.