NOBYEMBRE 8, 2019
PILIPINAS
Manila, Philippines—2019 ‘Say Aro Agbalot Mangangga’! Internasyonal a Kombension
Petsa: Nobyembre 1-3, 2019
Lugar: Mall of Asia Arena tan SMX Convention Center diad Manila, Philippines
Lenguahe na Programa: English, Tagalog
Inmatendi: 26,245
Abautismoan: 145
Bilang na Imbitadon Delegate: 5,397
Imbitadon Branch: Australasia, Central Europe, France, Indonesia, Italy, Japan, Kazakhstan, Madagascar, Malaysia, Myanmar, Papua New Guinea, Solomon Islands, South Africa, Sri Lanka, Taiwan, Thailand, United States
Eksperiensya: Oniay imbaga nen Rogelio Jolongbayan, regional manager na customer relations na Mall of Asia Arena: “Diad amin ya aka-transaksion mi, sikayo ni labat so anengneng min sankadisiplinadoan ya totoo. Pribilehyo min akaiba kayo ed arena mi.”
Oniay imbaga nen Nolasco Bathan, sakey a pulis ya atagey so posisyon to: “Amin ya delegate et mauk-uksoy tan mareen ya onloloob ed arena. Organisadon amin, singa agkami la kaukolan dia!”
Si Teofilo Labe Jr., assistant security manager na Manila Hotel, et inyasain ya man-monitor ed inkauksoy na saray delegate antis iran onlan man-tour. Oniay imbaga to kayari to ran naobserbaan: “No bagaan ak na management na hotel ya i-rate koy paraan na impangorganisa yod iyalis na saray delegate ed hotel pian man-tour, . . . mas ni nen say excellent so iter kon rate. Organisadon maong so grupo yo.”
Iwe-welcome na saray agagi iray delegate ya nanlapud arum ya bansa ya binmisita ed Bethel diad Pilipinas
Saray agagi ya mangiiter na imbitasyon antis na kombension
Antis ya ginmapo so kombension, inebatan na apatiran representative na branch iray tepet diad sakey a press conference
Saray inmatendi ed kombension diad paway na venue
Manpapalitrato iray delegate ya nanlapud arum ya bansa tan saray agagi ya tagad Pilipinas
Mangakansion na Kingdom song iray agagi diad kombension
Duaran balon agagi ya abautismoan diad Sabado
Si Brother Mark Sanderson, sakey a membro na Mananguley ya Ulop, legan ton ipapaliwawa so sampot ya parte diad Sabado
Saray agagin walad special full-time ya nanlapud arum ya bansa et linmad abay nen Brother Sanderson diad stage tan ed leksab na stage diad sampot ya agew na kombension
Manpe-perform iray agagi na sakey a tradisyonal a sayaw ed Pilipinas a tatawagen ya Tinikling legan na evening gathering
Ompan Nagustoan Mo Met
NIPAAKAR ED SIKAMI
Onatendi ed 2024 a Kombension—“Iyabawag so Maong a Balita!”
Imbitaan mi kan onatendi ed taloran agew ya kombension na Saray Tasi nen Jehova.
