Nen Setyembre 3, 2019, imbulos la manlapud prisoan na Russia si Brother Andrzej Oniszczuk. Sikatoy impriso nen Oktubre 9, 2018 lapu labat ed pandadayew to ed si Jehova. Legan na impakapriso to, sikatoy akabiig kanian bukbukor to labat ed prisoan tan ag-inabuloyan ya nanengneng tan nakatongtong na asawa to ya si Anna. Anggano sikatoy imbulos tan makasempet la, nilimitaan ni na saray autoridad so nagawaan to, kanian agnayarin onla ed arawin pasen. Agni asumpal so kriminal a kaso ya inyakusa ed sikato.

Malikeliket itayo lapud mansiasiansian mabiskeg so pananisia nen Brother Andrzej Oniszczuk tan say asawa to legan na sayan mairap ya situasyon. Misalamat tayo ya eebatan nen Jehova so amin ya pikakasi tayo parad saray agagi tayon akapriso.​—Colosas 4:2, 3.