HULYO 26, 2021
RUSSIA

“Mas Lalo Ak ya Inmapit ed si Jehova nen Apasegsegang Ak”

I-PLAY

Time Line

Asingger lan iyanunsio na Pavlovskiy District Court na Krasnodar Territory so desisyon ed kaso nen Brother Vladimir Skachidub. * Agni impaamta na prosecutor so nayarin magmaliw ya dusa ed sikato
Disyembre 30, 2020

Ginmapo so unonan impanlitis
Hulyo 23, 2020

Nilista ya kaiba na saray ituturing na gobierno ya extremist
Hunyo 23, 2020

Pormal ya inakusaan bilang sakey a kriminal, say sakey ya rason et lapud pampupulong to

Nipaakar ed Sikato

Vladimir Skachidub

Inkiyanak: 1961 (Pavlovskaya, Krasnodar Territory)

Arum ya impormasyon ed bilay to: Kayari ton nanlingkor ed militar, nanaral na radio engineering diad sakey ya eskuelaan ed Taganrog, Rostov Region. Inatey iray atateng to nen 25 so taon to. Pinmawil ed baley da pian asikasoen si Nataliya, say agi ton bii ya mantaon na 15 ed saman. Inatey si Nataliya lapud leukemia nen 2003. Say sampot ya trabaho nen Vladimir et operator na makina diad planta na saray piyesa na luluganan. Mahilig ya manlitrato tan man-gitara

Nainteresan ed Biblia manlapu la nen akabat nen Nataliya tan say kaaro ton si Galina iray Tasi nen Jehova. Pandinayewan nen Vladimir so nipaakar ed impamalsa na Dios tan asabi panaon et nanaral na Biblia. Intunda toy panagtabako tan panagbuanges. Nankasal ira nen Galina nen 1997. Abautismoan nen 1998 si Vladimir, tan si Galina nen 2016

No Antoy Nibaga To

Anto ray impikasim ed si Jehova legan ya nagagawa iraya?

Impikasik ya naikdan ak na masanton espiritu, panangigiya, tan pakayari a mas mabiskeg nen say pakayari na too. Nen ginmapoy imbestigasyon, . . . impikasik ya napasanto komon so ngaran nen Jehova legan kon mitotongtong ed imbestigador. Diad sampot ya interogasyon, kinomendaan ak na imbestigador tan imbaga ton kagalgalang kunoy inkiwas ko.

Antoy naaralan mo ed sayan subok ya makatulong ed sika ed saray subok ed arapen?

Mas lalo ak ya inmapit ed si Jehova nen apasegsegang ak tan naaralan koy manmatalek ed sikato no mairap so kipapasen imbes ya paulyanan kon nadismaya ak.

Singa si Vladimir, mabiskeg met so talek tayo ya sikatoy tuloytuloy ya pabiskegen nen Jehova ‘pian sigpot ya makapansungdo a walaay anos tan liket.’—Colosas 1:11.

^ Kaslakan et agnin tampol naamtaan so desisyon na korte.

Ompan Nagustoan Mo Met

BALITA

Impriso Lapud Pananisia Ra—Russia

Impriso iray Tasi nen Jehova diad Russia lapud pananisia ra. Amtaen so history da tan i-download so printable ya listaan na amin ya Tasi nen Jehova ya akapriso ni natan.

BALITA