SETYEMBRE 16, 2019
SOUTH AFRICA
Johannesburg, South Africa—2019 ‘Say Aro Agbalot Mangangga’! Internasyonal a Kombension
Petsa: Setyembre 6-8, 2019
Lugar: FNB Stadium diad Johannesburg, South Africa
Lenguahe na Programa: English, Sesotho, Zulu
Inmatendi: 58,149
Abautismoan: 476
Bilang na Imbitadon Delegate: 6,000
Imbitadon Branch: Bolivia, Britain, Central Europe, Congo (Kinshasa), Finland, Hong Kong, Hungary, Israel, Japan, Kenya, Korea, Liberia, Madagascar, Malawi, Paraguay, Peru, Uganda, United States, Zambia, Zimbabwe
Eksperiensya: Impaliwawa na management na Lion and Safari Park, sakey ed saray nampasyaran na saray delegate, ya natan labat ira akanengneng na dakdakel ya nanduruman kultura tan lenguahe ya oneepas ed bus ya anggapoy kolkolan odino reklamo. Talagan mandinayew so management ta maunor ed instruksion iray bisita tan mikokoopera iran maong ed saray staff. Oniay imbaga da: “Malikeliket kami ta linma ra dia!”
Sakey a grupo na agagi diad airport ya iwe-welcome da ray delegate ed South Africa
Apatiran sister, duaran tagad Africa tan duaran delegate ya nanlapud arum a bansa, ya mangibubunog na imbitasyon parad kombension diad ministeryo
Manpapalitrato iray inmatendi ed kombension ya akasulong na kawes na bansa ra
Akaimis ya ontitipak iray agagi legan na kombension
Sakey ed saray 476 ya abautismoan
Pitotongtongan nen Brother Anthony Morris, sakey a membro na Mananguley ya Ulop, iray agagi legan na intermission
Diad sampot ya agew na kombension, impakabat ed audience iray agagin walad special full-time
Nilitrato so taloran sister kayari na programa na kombension
Kakansionan na sakey a grupo na saray managkansion ya akasulong na makolokolor iran kawes na Africa so audience legan na evening gathering
Ompan Nagustoan Mo Met
NIPAAKAR ED SIKAMI
Onatendi ed 2024 a Kombension—“Iyabawag so Maong a Balita!”
Imbitaan mi kan onatendi ed taloran agew ya kombension na Saray Tasi nen Jehova.
