Manlapu la nen 1953, impriso iray kabataan ya Koreanon brother lapud agda labay so mansundalo. No paniibaen so taon ya impakapriso na masulok ya 19,000 iran brother lapud agda labay ya ikompromiso so pananisia ra, ami-amin et 36,000 ya taon. Balet, nen Pebrero 28, 2019, imbulos iray sampot lan akapriso ya brother. Panon ya nagmaliw a posible itan ya agnalinglingwanan ya okasyon? Nengnengen tayo so abayag lan rekord na mabiskeg a pananisia tan inkakpel na saray brother ed Korea.