Nen Mayo 31, 2019, walay laki ya pinapaltog to ray empleyado ed munisipyo diad Virginia Beach, Virginia, United States. Labinduan totoo so inatey tan apatira so asugatan.

Makapaermen ta unong ed report na United States branch, kaiba ed saray inatey so agi tayo, si Sister LaQuita Brown. Sikatoy manedad na 39 tan sakey a regular payunir diad Seaview French Congregation ed Norfolk, Virginia. Sikatoy nanlingkor met bilang Local/Design Construction volunteer. Panamegley na Biblia, liligliwaen na saray elder tan say manangasikaso na sirkito iray kakaaro tan kapamilya nen Sister Brown.

Talagan maer-ermen tayo ed impatey na agi tayo. Tatalaranan tayo lay panaon ya anggapo lay nagawan onia ran trahedya tan wala lay “agnaparaan a kareenan” diad interon dalin.​—Salmo 37:10, 11.