Dakdakel so aderal lapud nantutumbokan ya wildfire ed California, U.S.A. Say sankabalegan et say Dixie Fire ta masulok ya 187,562 ektarya so kaawang na apoolan to. Diad kaplesan, onkokomadua iya ed sankabalegan ya wildfire ya agawa ed history na California.

• 415 ya manangipalapag so inmalis na ayaman odino nan-evacuate

• 17 ya abung so medyo aderal

• 2 abung so aderal ya maong

• Mitutulongan iray manangasikaso na sirkito na saray apektadon iran lugar ed saray elder pian niiter so espiritual ya pankaukolan na kada kongregasyon, kaiba lay temporaryon napanayaman na saramay nan-evacuate

• Seseguroen na amin ya agagin ontutulong ya natutumbok da iray COVID-19 safety protocol

Anggan diad mair-irap ya situasyon, ipapanengneng na saray totoo nen Jehova ya tuan kakaaro ira, tan lanang iran akaparaan ya ontulong ed saray agagi ra.—Proverbio 17:17.