Unonan Samuel 14:1-17
14 Si Arin Hiram+ na Tiro et angibaki na saray mensahero ed si David, tan angipawit na saray troso na sedro, pati saray mason* tan karpentero pian ipaalageyan da na abung.*+
2 Kanian amta nen David ya inletneg a malet nen Jehova so inkaari to ed Israel,+ ta say inkaari to et nitandoron maong nisengeg ed Israel a totoo To.+
3 Si David et angasawa ni na arum a bibii+ ed Jerusalem, tan awalaan ni na saray ananak a lalaki tan bibii.+
4 Niraya so ngaran na ananak to ya inyanak diad Jerusalem:+ Samua, Sobab, Natan,+ Solomon,+
5 Ibhar, Elisua, Elpelet,
6 Noga, Nefeg, Jafia,
7 Elisama, Beeliada, tan Elifelet.
8 Sanen nadngelan na saray Filisteo a si David et nilanaan bilang ari ed interon Israel,+ linma ran amin a mananap ed sikato.+ Sanen nadngelan itan nen David, sikatoy pinmaway pian milaban ed sikara.
9 Insan sinmabi iray Filisteo tan aminpiga iran inmataki diad Lawak* na Refaim.+
10 Oniay intepet nen David ed Dios: “Kasin onla ak a milaban ed saray Filisteo? Kasin iyawat mo rad limak?” Diad saman et inkuan nen Jehova ed sikato: “La ka, ta seguradon iyawat ko rad limam.”+
11 Kanian linmay David ed Baal-perazim,+ tan tinalo to ra diman. Diad saman et inkuan nen David: “Dinederal na tuan Dios iray kalaban ko diad panamegley na limak, a singa ra intetebag na danum.” Kanian satan a pasen et tinawag dan Baal-perazim.*
12 Intilak diman na saray Filisteo iray dirios da, tan pinoolan iratan+ sanen ingganggan nen David.
13 Ag-abayag et inmataki lamet iray Filisteo diad lawak.*+
14 Nantepet lamet si David ed Dios, balet natan et imbaga na tuan Dios ed sikato: “Agka onaataki ed sikara diad arapan. Liber ka ed benegan da, tan atakim ira diad arap na saray tanaman a baca.+
15 Et sano narengel moy tanol na panmamartsa a manlalapud toktok na saray tanaman a baca, gapoan moy onataki, ta say tuan Dios et linma lad unaan mo pian taloen so armada na saray Filisteo.”+
16 Kanian ginawa nen David so unong ed ingganggan na tuan Dios ed sikato,+ tan tinalo ra so armada na saray Filisteo manlapud Gibeon ya anggad Gezer.+
17 Et akabkabat si David ed amin a dalin, tan say amin a nasyon et pinatakot nen Jehova ed sikato.+
Paimanod leksab
^ Odino “saray managpaalagey na padir.”
^ Odino “palasyo.”
^ Odino “Abeban Patar.”
^ Kabaliksan toy “Katawan na Saray Panagderal.”
^ Odino “abeban patar.”
