Unonan Samuel 20:1-8
20 Kagapo na taon,* diad panaon na pigueguerra na saray arari, indaulo nen Joab+ so armada tan dineral toy dalin na saray Ammonita; akasabi ed Raba+ tan kinubkob to itan, balet si David et nansiansiad Jerusalem.+ Inataki nen Joab so Raba tan inggeba to.+
2 Kayari na satan, inala nen David so korona ed ulo nen Malcam, tan nalmoan to a manbelat itan na sakey a talento* a balitok, tan wala ray mablin bato na satan; tan inyan itan ed ulo nen David. Dakdakel met iray asamsam to ed syudad.+
3 Tan inala to ray totoo ditan tan impankimey to ra+ ya uusaren da iray lagari na bato, makdem a kagawaan a balatyang tan saray wasay. Ontan so ginawa nen David ed amin a syudad na saray Ammonita. Diad kaunoran et pinmawil lad Jerusalem si David tan say amin a sundalo.
4 Kayari na satan, akiguerra irad saray Filisteo diad Gezer. Diad saman et pinatey nen Sibecai+ a Husatita si Sipai, a nanlapud kailalakan na Refaim,+ kanian atalo iray Filisteo.
5 Tan akilaban ira lamet ed saray Filisteo, tan pinatey nen Elhanan ya anak nen Jair si Lami ya agi nen Goliat+ a Gitita, a say putan na gayang to et singa panagpotipotan na saray managlagay abel.+
6 Wala lamet so agawan guerra diad Gat,+ a ditan et walay lakin nikadkadumay kabaleg to,+ ya 6 so gamet na kada lima to tan 6 so gamet na kada sali to, 24 ya amin; tan sikatoy nanlapu met ed kailalakan na Refaim.+
7 Naynay ton kakantiawan+ so Israel. Kanian sikatoy pinatey nen Jonatan ya anak nen Simea+ a kuya nen David.
8 Saraya so kailalakan na Refaim+ a walad Gat,+ tan tinalo ira nen David tan saray lingkor to.
Paimanod leksab
^ Nayarin diad bulan na Abib (Nisan) na saray Judio. Nengnengen so Apendise B15.
^ Manga 34.2 kilo. Nengnengen so Apendise B14.
