Unonan Samuel 25:1-31
-
Saray managtogtog tan managkansion ed abung na Dios (1-31)
25 Ontan met, imbiig nen David tan saray pangulo na saray grupo so arum ed saray ananak nen Asaf, Heman, tan Jedutun+ pian manlingkor diad pampropesiya a binansagan na saray arpa, nandeles ya instrumento,+ tan piangpiang.+ Niay listaan na saray lalakin tinuro parad sayan panaglingkor,
2 diad saray ananak nen Asaf: si Zacur, Jose, Netanias, tan Asarela, saray anak a lalaki nen Asaf a walad panangidaulo nen Asaf, a nampropesiya diad panangiwanwan na ari.
3 Diad kinen Jedutun,+ saray ananak nen Jedutun: si Gedalias, Zeri, Jesaias, Simei, Hasabias, tan Matitias,+ anemira, a walad panangidaulo nen ama ran Jedutun, a nampropesiya a binansagan na arpa, pian misalamat tan mangidayew ed si Jehova.+
4 Diad kinen Heman,+ saray ananak nen Heman: si Bukias, Matanias, Uziel, Sebuel, Jerimot, Hananias, Hanani, Eliata, Gidalti, Romamti-ezer, Josbekasa, Maloti, Hotir, tan Mahaziot.
5 Amin iraya et anak a lalaki nen Heman, samay mangipapasabi na pasingawey ed ari nipaakar ed tuan Dios parad kigloriaan to;* kanian inikdan na tuan Dios si Heman na 14 ya anak a lalaki tan 3 anak a bibii.
6 Amin iraya et walad panangidaulo nen ama ra diad panangansion ed abung nen Jehova, a babansagan da na saray piangpiang, nandeles ya instrumento, tan arpa+ parad panaglingkor diad abung na tuan Dios.
Si Asaf, Jedutun, tan Heman et walad panangiwanwan na ari.
7 Say bilang da tan saray agagi ran nipasal ed panangansion parad si Jehova, a marurunong ya amin, et 288.
8 Kanian amin da, abeba man odino atagey so kipapasen da, marunong man odino manaaral ni labat, et nampapalaranan+ parad saray betang da.
9 Say unonan apili ed pampapalaranan et si Jose ya anak nen Asaf,+ say komadua et si Gedalias+ (sikato, saray agagi to, tan saray ananak to et 12);
10 say komatlo et si Zacur,+ saray ananak to tan saray agagi to, 12;
11 say komapat et si Izri, saray ananak to tan saray agagi to, 12;
12 say komalima et si Netanias,+ saray ananak to tan saray agagi to, 12;
13 say komanem et si Bukias, saray ananak to tan saray agagi to, 12;
14 say komapito et si Jesarela, saray ananak to tan saray agagi to, 12;
15 say komawalo et si Jesaias, saray ananak to tan saray agagi to, 12;
16 say komasiam et si Matanias, saray ananak to tan saray agagi to, 12;
17 say komasamplo et si Simei, saray ananak to tan saray agagi to, 12;
18 say koma-11 et si Azarel, saray ananak to tan saray agagi to, 12;
19 say koma-12 et si Hasabias, saray ananak to tan saray agagi to, 12;
20 say koma-13 et si Subael,+ saray ananak to tan saray agagi to, 12;
21 say koma-14 et si Matitias, saray ananak to tan saray agagi to, 12;
22 say koma-15 et si Jeremot, saray ananak to tan saray agagi to, 12;
23 say koma-16 et si Hananias, saray ananak to tan saray agagi to, 12;
24 say koma-17 et si Josbekasa, saray ananak to tan saray agagi to, 12;
25 say koma-18 et si Hanani, saray ananak to tan saray agagi to, 12;
26 say koma-19 et si Maloti, saray ananak to tan saray agagi to, 12;
27 say koma-20 et si Eliata, saray ananak to tan saray agagi to, 12;
28 say koma-21 et si Hotir, saray ananak to tan saray agagi to, 12;
29 say koma-22 et si Gidalti,+ saray ananak to tan saray agagi to, 12;
30 say koma-23 et si Mahaziot,+ saray ananak to tan saray agagi to, 12;
31 tan say koma-24 et si Romamti-ezer,+ saray ananak to tan saray agagi to, 12.
Paimanod leksab
^ Literal, “pian itagey so tambuyog to.”
