Unonan Samuel 27:1-34
-
Saray opisyal a manlilingkor ed ari (1-34)
27 Saya so bilang na saray Israelita, saray lider na saray pamilya na kaamaan, saray pangulo na nilibo tan nilasus,+ tan saray opisyal dan manlilingkor ed ari+ diad amin a bengatlan nipaakar ed saray grupon mansusublayan a manlingkor ed kada bulan diad interon taon; 24,000 so bilang na kada grupo.
2 Say pangulo na unonan grupo parad unonan bulan et si Jasobeam+ ya anak nen Zabdiel, tan 24,000 so walad grupo to.
3 Diad saray ananak nen Perez,+ sikato so ulo na amin a papangulo na saray grupo a tinuron manlingkor ed unonan bulan.
4 Say pangulo na grupo parad komaduan bulan et si Dodai+ ya Ahohita,+ tan say lider et si Miklot, tan 24,000 so walad grupo to.
5 Say pangulo na komatlon grupo a tinuron manlingkor ed komatlon bulan et si Benaias+ ya anak nen Jehoiada+ a manunan saserdote, tan 24,000 so walad grupo to.
6 Sayan Benaias et mabiskeg a sundalo a kaibad talomplo tan mangaasikaso ed talomplo; tan say mangidadaulo ed grupo to et si Amizabad ya anak to.
7 Say komapat a pangulo parad komapat a bulan et si Asael+ ya agi nen Joab,+ tan sinmublay ed sikato si Zebadias ya anak to, tan 24,000 so walad grupo to.
8 Say komaliman pangulo parad komaliman bulan et si Samhut ya Izrahita, tan 24,000 so walad grupo to.
9 Say komanem a pangulo parad komanem a bulan et si Ira+ ya anak nen Ikes a Tekoita,+ tan 24,000 so walad grupo to.
10 Say komapiton pangulo parad komapiton bulan et si Helez+ a Pelonita a nanlapud saray Efraimita, tan 24,000 so walad grupo to.
11 Say komawalon pangulo parad komawalon bulan et si Sibecai+ a Husatita a nanlapud saray Zerahita,+ tan 24,000 so walad grupo to.
12 Say komasiam a pangulo parad komasiam a bulan et si Abi-ezer+ ya Anatotita+ a nanlapud saray Benjaminita, tan 24,000 so walad grupo to.
13 Say komasamplon pangulo parad komasamplon bulan et si Maharai+ a Netofatita a nanlapud saray Zerahita,+ tan 24,000 so walad grupo to.
14 Say koma-11 a pangulo parad koma-11 a bulan et si Benaias+ a Piratonita a nanlapud saray ananak nen Efraim, tan 24,000 so walad grupo to.
15 Say koma-12 pangulo parad koma-12 bulan et si Heldai a Netofatita a nanlapud saray ananak nen Otniel, tan 24,000 so walad grupo to.
16 Niraya so lider na saray tribu na Israel: Diad saray Rubenita, si Eliezer ya anak nen Zicri so lider; diad saray Simeonita, si Sefatias ya anak nen Maaca;
17 diad tribu nen Levi, si Hasabias ya anak nen Kemuel; diad kailalakan nen Aaron, si Zadok;
18 diad tribu nen Juda, si Elihu+ a sakey ed saray agagi nen David; diad tribu nen Isacar, si Omri ya anak nen Miguel;
19 diad tribu nen Zebulon, si Ismaias ya anak nen Obadias; diad tribu nen Neftali, si Jerimot ya anak nen Azriel;
20 diad saray Efraimita, si Hosea ya anak nen Azazias; diad kapaldua na tribu nen Manases, si Joel ya anak nen Pedaias;
21 diad kapaldua na tribu nen Manases ed Gilead, si Ido ya anak nen Zacarias; diad tribu nen Benjamin, si Jaasiel ya anak nen Abner;+
22 diad tribu nen Dan, si Azarel ya anak nen Jeroham. Saraya so prinsipe na saray tribu na Israel.
23 Agbinilang nen David iramay mantaon na 20 a paleksab, lapud insipan nen Jehova a parakelen toy Israel a singa karakel na saray bitewen ed tawen.+
24 Et ginapoan nen Joab ya anak nen Zeruia so nambilang, balet agto sinumpal; tan sinmanok so Dios ed Israel* lapud saya,+ kanian say bilang et ag-impila ed salaysay nipaakar ed saray agawa diad panaon nen Arin David.
25 Say mangaasikaso ed saray pasen a pangiinay kayamanan na ari+ et si Azmavet ya anak nen Adiel. Si Jonatan ya anak nen Uzias so mangaasikaso ed saray pasen a panagsimpenan* diad saray uma, syudad, baryo, tan diad saray tori.
26 Say mangaasikaso ed saray ondadalus et si Ezri ya anak nen Kelub.
27 Say mangaasikaso ed saray kaubasan et si Simei a Ramatita; say mangaasikaso ed produkto na saray kaubasan parad abaston alak et si Zabdi a Sifamita.
28 Say mangaasikaso ed taneman na saray olibo tan ed saray kiew a sikomoro+ diad Sefela+ et si Baal-hanan a Gederita; say mangaasikaso ed saray abaston larak et si Joas.
29 Say mangaasikaso ed saray pulok na baka a mankakabkab diad Saron+ et si Sitrai a Saronita, tan say mangaasikaso ed saray pulok na baka diad saray patar a lawak* et si Safat ya anak nen Adlai.
30 Say mangaasikaso ed saray kamelyo et si Obil ya Ismaelita; say mangaasikaso ed saray asno* et si Jedeias a Meronotita.
31 Say mangaasikaso ed saray pulok na karnero et si Jaziz a Hagarita. Amin iraya et papangulo a mangaasikaso ed saray kaykayarian nen Arin David.
32 Si Jonatan+ a kaanakan nen David et sakey a mananimbawa, toon makatalos tan sekretaryo, tan si Jehiel ya anak nen Hacmoni so mangaasikaso ed saray anak a lalaki na ari.+
33 Si Ahitofel+ so mananimbawa na ari, tan si Husai+ ya Arkita so kaaro* na ari.
34 Say sinmublay ed si Ahitofel et si Jehoiada ya anak nen Benaias+ tan si Abiatar;+ tan si Joab+ so pangulo na armada na ari.
Paimanod leksab
^ Literal, “tan say sanok et walad Israel.”
^ Odino “saray pasen a pangiinay kayamanan.”
^ Odino “saray abeban patar.”
^ Literal, “saray kabatyan ya asno.”
^ Odino “panmamatalkan.”
