Unonan Samuel 5:1-26
5 Saraya so lalakin ananak nen Ruben,+ say panguloan ya anak nen Israel. Sikatoy panguloan, balet lapud dinutakan* toy dukolan nen ama to,+ say kanepegan to bilang panguloan et inter ed lalakin ananak nen Jose+ ya anak nen Israel, kanian diad kapolian da et sikatoy ag-inlista bilang walaay kanepegan na inkapanguloan.
2 Anggaman si Juda+ et magmaong nen saray agagi to tan sikatoy nanlapuan na magmaliw a lider,+ si Jose so angiteran na kanepegan bilang panguloan.
3 Saray lalakin ananak nen Ruben a panguloan ya anak nen Israel et si Hanoc, Palu, Hezron, tan Carmi.+
4 Saray kailalakan nen Joel et si Semaias ya anak to, si Gog ya anak to, si Simei ya anak to,
5 si Miqueas ya anak to, si Reaias ya anak to, si Baal ya anak to,
6 tan si Beerah ya anak to, samay inerel nen Arin Tilgat-pilneser*+ na Asirya tan imbantak tod arum a pasen; sikatoy pangulo na saray Rubenita.
7 Saray agagi nen Beerah, unong ed listaan na kapolian na saray pamilya ra, et si Jeiel a pangulo, si Zacarias,
8 tan si Bela ya anak nen Azaz ya anak nen Sema ya anak nen Joel, a nanayam ed Aroer+ ya anggad Nebo tan Baal-meon.+
9 Sikatoy nanayam diad bandad bukig ya anggad kaloob ed kalawakan a mamaarap ed Ilog Eufrates,+ ta dinmakel iray kokomponien dan ayayep diad dalin na Gilead.+
10 Diad saray agew nen Saul et akiguerra ira ed saray Hagarita tan tinalo da ra, kanian nanayam ira ed saray tolda ra diad interon teritorya ed bukig na Gilead.
11 Et nanayam iray kailalakan nen Gad diad asingger ed sikara diad dalin na Basan ya anggad Saleca.+
12 Diad Basan, say pangulo et si Joel, say onkokomadua et si Safam, tan wadtan met si Janai tan si Safat.
13 Tan saray kakanayon da et si Miguel, Mesulam, Sheba, Jorai, Jacan, Zia, tan Eber, pitoran amin.
14 Saraya so lalakin ananak nen Abihail ya anak nen Huri ya anak nen Jaroa ya anak nen Gilead ya anak nen Miguel ya anak nen Jesisai ya anak nen Jado ya anak nen Buz.
15 Si Ahi ya anak nen Abdiel ya anak nen Guni so lider na pamilya na kaamaan da.
16 Nanayam ira ed Gilead,+ Basan,+ tan diad saray angkekelag* a baley na saratan, tan diad amin a panagpastolan na Saron ya anggad panampotan na saratan.
17 Wala ran amin ed listaan na kapolian diad saray agew nen Arin Jotam+ na Juda tan diad saray agew nen Arin Jeroboam*+ na Israel.
18 Saray Rubenita, Gadita, tan say kapaldua na tribu nen Manases et walaan na 44,760 mabibiskeg a sundalo ed armada ra a de-awit na saray panagsamper tan espada tan wala ray pana ra,* tan nipasal irad guerra.
19 Akiguerra ira ed saray Hagarita,+ ed si Jetur, Nafis,+ tan Nodab.
20 Tan tinulongan ira diad impilaban dad sikara, kanian atalo da ray Hagarita tan amin a kakaiba ra, lapud kinerew day tulong na Dios, tan inebatan toy pikakasi ra lapud nanmatalek irad sikato.+
21 Inaala da ray kokomponien dan ayayep—50,000 kamelyo, 250,000 karnero, tan 2,000 asno—pati say 100,000 totoo.*
22 Dakdakel so inaatey, lapud say tuan Dios so akilaban ed guerra.+ Tan sinmublay iran nanayam ditan anggad panaon na inkibantak da.+
23 Say kailalakan na kapalduay tribu nen Manases+ et nanayam diad Basan ya anggad Baal-hermon tan Senir tan Palandey Hermon.+ Dakdakel ira.
24 Niraya so lider na saray pamilya na kaamaan da: si Efer, Isi, Eliel, Azriel, Jeremias, Hodavias, tan Jadiel; mabibiskeg ira a sundalo, bantog a lalaki, tan lider na saray pamilya na kaamaan da.
25 Balet ag-ira nanmatoor ed Dios na inmuunan atateng da tan nandayew irad saray dirios* na totood kaliberliber a dalin,+ a dinederal na Dios ed arapan da.
26 Lapud saya, say Dios na Israel et pinasanok toy espiritu nen Arin Pul na Asirya+ (salanti, si Arin Tilgat-pilneser+ na Asirya) kanian imbantak to ray Rubenita, Gadita, tan say kapaldua na tribu nen Manases, ya inyakar to rad Hala, Habor, Hara, tan diad ilog Gozan,+ a ditan so kawalaan da anggad sayan agew.
Paimanod leksab
^ Odino “pinabanday.”
^ Odino “Tiglat-pileser.”
^ Odino “walad kaliberliber.”
^ Salanti, si Jeroboam II.
^ Literal, “tan gagatinan day bekang.”
^ Odino “akilawanan irad saray dirios,” salanti, akibiang irad espiritual a prostitusyon.
