Unonan Samuel 6:1-81
6 Saray lalakin ananak nen Levi+ et si Gerson, Kohat,+ tan Merari.+
2 Saray lalakin ananak nen Kohat et si Amram, Izhar,+ Hebron, tan Uziel.+
3 Saray ananak* nen Amram+ et si Aaron,+ Moises,+ tan si Miriam.+ Tan saray lalakin ananak nen Aaron et si Nadab, Abihu,+ Eleazar,+ tan Itamar.+
4 Si Eleazar so ama nen Finehas;+ si Finehas so ama nen Abisua.
5 Si Abisua so ama nen Buki; si Buki so ama nen Uzi.
6 Si Uzi so ama nen Zerahias; si Zerahias so ama nen Meraiot.
7 Si Meraiot so ama nen Amarias; si Amarias so ama nen Ahitub.+
8 Si Ahitub so ama nen Zadok;+ si Zadok so ama nen Ahimaaz.+
9 Si Ahimaaz so ama nen Azarias; si Azarias so ama nen Johanan.
10 Si Johanan so ama nen Azarias. Sikatoy nanlingkor bilang saserdote ed abung ya impaalagey nen Solomon diad Jerusalem.
11 Si Azarias so ama nen Amarias; si Amarias so ama nen Ahitub.
12 Si Ahitub so ama nen Zadok;+ si Zadok so ama nen Salum.
13 Si Salum so ama nen Hilkias;+ si Hilkias so ama nen Azarias.
14 Si Azarias so ama nen Seraias;+ si Seraias so ama nen Jehozadak.+
15 Si Jehozadak et nibantak ed arum a pasen sanen imbantak nen Jehova iray totoo na Juda tan Jerusalem diad panamegley nen Nabucodonosor.
16 Saray lalakin ananak nen Levi et si Gersom,* Kohat, tan Merari.
17 Saraya so kangaranan na lalakin ananak nen Gersom: Libni tan Simei.+
18 Saray lalakin ananak nen Kohat et si Amram, Izhar, Hebron, tan Uziel.+
19 Saray lalakin ananak nen Merari et si Mali tan Musi.
Niraya so pamilya na saray Levita unong ed ngaran na saray inmuunan atateng da:+
20 Diad si Gersom,+ si Libni ya anak to, si Jahat ya anak to, si Zima ya anak to,
21 si Joa ya anak to, si Ido ya anak to, si Zera ya anak to, si Jeaterai ya anak to.
22 Saray kailalakan nen Kohat et si Aminadab ya anak to, si Kora+ ya anak to, tan si Asir,
23 Elkana, tan Ebiasaf+ ya ananak to, tan si Asir ya anak to,
24 si Tahat ya anak to, si Uriel ya anak to, si Uzias ya anak to, tan si Shaul ya anak to.
25 Saray lalakin ananak nen Elkana et si Amasai tan Ahimot.
26 Saray kailalakan nen Elkana et si Zofai ya anak to, si Nahat ya anak to,
27 si Eliab ya anak to, si Jeroham ya anak to, tan si Elkana+ ya anak to.
28 Saray lalakin ananak nen Samuel+ et si Joel, say panguloan, tan si Abias, say komadua.+
29 Saray kailalakan nen Merari et si Mali,+ si Libni ya anak to, si Simei ya anak to, si Uzah ya anak to,
30 si Simea ya anak to, si Hagias ya anak to, tan si Asaias ya anak to.
31 Saraya so tinuro nen David a mangidaulo ed panagkansion diad abung nen Jehova sanen niiyan la ditan so Kaban.+
32 Sikaray mangaasikaso ed panagkansion diad tabernakulo ed tolda a pantitiponan anggad sanen nipaalagey nen Solomon so abung nen Jehova diad Jerusalem,+ tan sinumpal day betang da unong a niganggan ed sikara.+
33 Niraya so lalakin manlilingkor a kaiba iray anak dan lalaki: Diad saray Kohatita, si Heman+ a managkansion, ya anak nen Joel+ ya anak nen Samuel
34 ya anak nen Elkana+ ya anak nen Jeroham ya anak nen Eliel ya anak nen Toa
35 ya anak nen Zup ya anak nen Elkana ya anak nen Mahat ya anak nen Amasai
36 ya anak nen Elkana ya anak nen Joel ya anak nen Azarias ya anak nen Sofonias
37 ya anak nen Tahat ya anak nen Asir ya anak nen Ebiasaf ya anak nen Kora
38 ya anak nen Izhar ya anak nen Kohat ya anak nen Levi ya anak nen Israel.
39 Si Asaf+ ya agi to et manlilingkor diad nikawanan to; si Asaf et anak nen Berekias ya anak nen Simea
40 ya anak nen Miguel ya anak nen Baaseias ya anak nen Malkias
41 ya anak nen Etni ya anak nen Zera ya anak nen Adaias
42 ya anak nen Etan ya anak nen Zima ya anak nen Simei
43 ya anak nen Jahat ya anak nen Gersom ya anak nen Levi.
44 Saray kailalakan nen Merari+ ya agagi ra et walad nikawigi; wadtan si Etan+ ya anak nen Kisi ya anak nen Abdi ya anak nen Maluc
45 ya anak nen Hasabias ya anak nen Amazias ya anak nen Hilkias
46 ya anak nen Amzi ya anak nen Bani ya anak nen Semer
47 ya anak nen Mali ya anak nen Musi ya anak nen Merari ya anak nen Levi.
48 Saray agagi ran Levita so tinuro* ed amin a panaglingkor diad tabernakulo, say abung na tuan Dios.+
49 Si Aaron tan saray anak ton lalaki+ so manpapaasewek na saray bagat diad altar parad apay a popoolan+ tan diad altar parad insenso,+ a gagawaen day amin a kimey nipaakar ed sankasantosan iran bengatla, pian manggawa ray pananakbong parad Israel,+ unong ed amin ya ingganggan nen Moises a lingkor na tuan Dios.
50 Nirayay kailalakan nen Aaron:+ si Eleazar+ ya anak to, si Finehas ya anak to, si Abisua ya anak to,
51 si Buki ya anak to, si Uzi ya anak to, si Zerahias ya anak to,
52 si Meraiot ya anak to, si Amarias ya anak to, si Ahitub+ ya anak to,
53 si Zadok+ ya anak to, tan si Ahimaaz ya anak to.
54 Niraya so panaayaman da unong ed saray kampo* ra diad teritorya ra: parad saray kailalakan nen Aaron a kabiangay pamilya na saray Kohatita, lapud sikaray unonan apili ed pampapalaranan,
55 inter dad sikara so Hebron+ diad dalin na Juda pati saray panagpastolan ed kaliberliber na satan.
56 Balet say uma na syudad tan saray baryo ditan et inter dad si Caleb+ ya anak nen Jefune.
57 Tan inter dad saray kailalakan nen Aaron iray syudad* a salimbengan,+ say Hebron,+ pati say Libna+ tan saray panagpastolan ditan, say Jatir,+ say Estemoa tan saray panagpastolan ditan,+
58 say Hilen tan saray panagpastolan ditan, say Debir+ tan saray panagpastolan ditan,
59 say Asan+ tan saray panagpastolan ditan, tan say Bet-semes+ tan saray panagpastolan ditan;
60 tan manlapud tribu nen Benjamin et say Geba+ tan saray panagpastolan ditan, say Alemet tan saray panagpastolan ditan, tan say Anatot+ tan saray panagpastolan ditan. Amin a syudad a niiter ed pamilya ra et 13.+
61 Say nipabtang* ed saray akeran Kohatita et samploran syudad, manlapud pamilya na sananey a tribu, manlapud kapalduan tribu, salanti, say kapaldua na tribu nen Manases.+
62 Saray Gersomita unong ed saray pamilya ra et inikdan da na 13 syudad manlapud tribu nen Isacar, tribu nen Aser, tribu nen Neftali, tan tribu nen Manases diad Basan.+
63 Saray Merarita unong ed saray pamilya ra et inikdan da na 12 syudad diad panamegley na pampapalaranan, manlapud tribu nen Ruben, tribu nen Gad, tan tribu nen Zebulon.+
64 Kanian inter na saray Israelita ed saray Levita irayan syudad a kaiba iray panagpastolan na saratan.+
65 Ontan met, inter da irayan syudad diad panamegley na pampapalaranan manlapud tribu nen Juda, tribu nen Simeon, tan tribu nen Benjamin, a saraya et tinawag unong ed ngaran da.
66 Arum ed saray pamilya na saray Kohatita et wala ray syudad da ed teritorya ra a nanlapud tribu nen Efraim.+
67 Inter dad sikara iray syudad* a salimbengan, say Siquem+ tan saray panagpastolan ditan diad mapalandey a rehyon na Efraim, say Gezer+ tan saray panagpastolan ditan,
68 say Jokmeam tan saray panagpastolan ditan, say Bet-horon+ tan saray panagpastolan ditan,
69 say Aijalon+ tan saray panagpastolan ditan, tan say Gat-rimon+ tan saray panagpastolan ditan;
70 tan diad akera ed saray pamilya na saray Kohatita et niiter so Aner tan saray panagpastolan ditan tan say Bileam tan saray panagpastolan ditan manlapud kapaldua na tribu nen Manases.
71 Diad saray Gersomita et inter da so Golan+ ed Basan tan saray panagpastolan ditan tan say Astarot tan saray panagpastolan ditan manlapud pamilya na kapalduan tribu nen Manases;+
72 tan manlapud tribu nen Isacar et say Kedes tan saray panagpastolan ditan, say Daberat+ tan saray panagpastolan ditan,+
73 say Ramot tan saray panagpastolan ditan, tan say Anem tan saray panagpastolan ditan;
74 tan manlapud tribu nen Aser et say Masal tan saray panagpastolan ditan, say Abdon tan saray panagpastolan ditan,+
75 say Hukok tan saray panagpastolan ditan, tan say Rehob+ tan saray panagpastolan ditan;
76 tan manlapud tribu nen Neftali et say Kedes+ ed Galilea+ tan saray panagpastolan ditan, say Hamon tan saray panagpastolan ditan, tan say Kiriataim tan saray panagpastolan ditan.
77 Diad saray akeraan a Merarita et inter da so Rimono tan saray panagpastolan ditan tan say Tabor tan saray panagpastolan ditan manlapud tribu nen Zebulon;+
78 tan manlapud tribu nen Ruben et inter ed sikara iramay walad rehyon na Jordan ya asingger ed Jerico, diad bukig na Jordan, salanti, say Bezer a walad kalawakan tan saray panagpastolan ditan, say Jahaz+ tan saray panagpastolan ditan,
79 say Kedemot+ tan saray panagpastolan ditan, tan say Mefaat tan saray panagpastolan ditan;
80 tan manlapud tribu nen Gad et say Ramot ed Gilead tan saray panagpastolan ditan, say Mahanaim+ tan saray panagpastolan ditan,
81 say Hesbon+ tan saray panagpastolan ditan, tan say Jazer+ tan saray panagpastolan ditan.
Paimanod leksab
^ Literal, “lalakin ananak.”
^ Tinawag met a Gerson diad bersikulo 1.
^ Literal, “so niiter.”
^ Odino “saray apadiran a kampo.”
^ Odino “niiter ed panamegley na pampapalaranan.”
