Amos 3:1-15
3 “Dengel yo iyan imbaga nen Jehova nipaakar ed sikayo, O totoo na Israel, nipaakar ed interon nasyon ya impaway kod dalin na Ehipto:
2 ‘Sikayo labat so binidbir ko ed amin a nasyon diad dalin.+
Kanian mikuentaan ak ed sikayo lapud amin a kasalanan yo.+
3 Manulop kasin manakar so duara no ag-ira nampaknan manbana?
4 Kasin onaglem ed katakelan so leon no anggapoy asingkat to?
Kasin onngernger so malangwer a leon* diad ayaman to no anggapoy narel to?
5 Kasin naerel ed dalin so manok no agpatitan?*
Kasin biglan ompaway so patit no anggapoy akalotan to?
6 No ontanol so tambuyog ed sakey a syudad, agkasi onggiwgiw iray totoo?
No walay kadederal a sinmabi ed syudad, agta si Jehova so nanggawa ed satan?
7 Ta say Soberanon Katawan a Jehova et agmanggawa na antokaman a bengatlaLikud no niparungtal to lad saray lingkor ton propeta so kompidensyal a bengatla.*+
8 Inmaglem so leon!+ Siopay ag-ontakot?
Nansalita so Soberanon Katawan a Jehova! Siopay agmanpropesiya?’+
9 ‘Iyabawag yo itan ed saray malet a tori na AsdodTan ed saray malet a tori diad dalin na Ehipto.
Ibaga yo: “Mantitipon kayo sumpad saray kapalandeyan na Samaria;+Nengneng yo so gulo ed pegley toTan say panagsaol diad loob to.+
10 Ta agda amtay manggawa na duga,” so imbaga nen Jehova,“Saramay manitipon na inkaruksa tan kadederal diad saray malet a tori ra.”’
11 Kanian oniay inkuan na Soberanon Katawan a Jehova,‘Paliberan na kalaban so dalin,+Ekalan to kay biskeg,Tan nasamsaman iray malet a torim.’+
12 Oniay inkuan nen Jehova,‘No panon a singkaten na managpastol so duaran sali odino sakey a layag a walad sangi na leon,Ontan met so paningkat ed saray totoo na Israel,Saramay akayurong natan ed Samaria diad saray mararakep a dukolan tan katri.’*+
13 ‘Dengel kayo tan pasakbayan yo so* sankaabungan nen Jacob,’ so imbaga na Soberanon Katawan a Jehova, say Dios na saray armada.
14 ‘Ta diad agew a mikuentaan ak ed Israel lapud saray impanrebelde to,*+Mikuentaan ak met ed saray altar na Bethel;+Naputer tan napelag ed dalin iray saklor na altar.+
15 Igebak so abung a parad ambetel a panaon, ontan met ed abung a parad tiagew.’
‘Naandi iray kaabungan a gawad garing,*+Tan naderal so angkakabaleg* a kaabungan,’+ so imbaga nen Jehova.”
Paimanod leksab
^ Odino “mabiskeg tan malangwer a leon.”
^ Odino posiblin, “no anggapoy tapang parad satan.”
^ Odino “so sekreto to.”
^ Odino “katri a gawad Damasco.”
^ Odino “mantasi kayo sumpad.”
^ Odino “saray ginawa ton krimen.”
^ Diad Ingles et ivory. Sakey a klase na mablin materyales a manlalapud saray amputin pasingil na saray elepante tan arum ni ran ayayep.
^ Odino posiblin, “dakel.”
