Amos 4:1-13
4 “Dengel yo iyan salita, sikayo ran baka ed Basan,A walad palandey na Samaria,+Sikayo ran bibii a manasaol ed saray pakaskasi+ tan mamapairap ed saray mairap-bilay,Ya ibabaga rad kaasawaan* da, ‘Ikdan mo kami na inumen mi!’
2 Nansamba so Soberanon Katawan a Jehova unong ed inkasanto to,‘“Onsabi ed sikayo so agew sano itagey to kayod panamegley na saray kawit a panagsabitan na mataderoTan saray arum ed sikayo ed panamegley na saray taga.
3 Ompaway so balang sakey ed sikayo ed saray bungaw na padir a walad mismon arapan to;Tan nibantak kayo ed Harmon,” so imbaga nen Jehova.’
4 ‘La kayo ed Bethel tan manggawa kayoy kasalanan,*+La kayo ed Gilgal tan aruman yoy kasalanan yo!+
Awit yo ray bagat yo+ no kabuasan,Tan saray kakaplo yo+ diad komatlon agew.
5 Mamool kayoy alebaduraan a tinapay bilang bagat yo parad pisasalamat;+Maksil yon iyabawag iray boluntaryon apay yo!
Ta ontan so labalabay yon gawaen, O totoo na Israel,’ so imbaga na Soberanon Katawan a Jehova.
6 ‘Tan inyakar koy eras diad amin a syudad yoTan pinaandik so tinapay diad amin a kaabungan yo;+Balet agkayo pinmawil ed siak,’+ so imbaga nen Jehova.
7 ‘Agak met amauran ed sikayo, taloy bulan antis na panag-ani;+Pinauran kod sakey a syudad, balet agko pinauran ed sakey a syudad.
Nauranan ed sakey a pasen,Balet namagaan so sakey a pasen na dalin ya agnauranan.
8 Mantugingging ya amaarap ed sakey a syudad iray totoo a nanlapud duara odino taloran syudad pian oninum na danum;+Tan aliwan magenap so danum;Balet agkayo pinmawil ed siak,’+ so imbaga nen Jehova.
9 ‘Indapok ed sikayo so mansasnit a petang tan boot.+
Pinarakel yo iray hardin tan kaubasan yo,Balet inupot na saray duron iray kiew yon igos tan kiew yon olibo;+Tan agkayo nin siansia pinmawil ed siak,’+ so imbaga nen Jehova.
10 ‘Indapok ed sikayo so salot a singa samay diad Ehipto.+
Pinatey kod espada iray kalangweran yon lalaki,+ tan ineerel ko ray kabayo yo.+Binmanget iray kampo yo lapud saray bangkay;+Balet agkayo pinmawil ed siak,’ so imbaga nen Jehova.
11 ‘Dineral koy dalin yoA singa impaneral na Dios ed Sodoma tan Gomorra.+
Tan singa kayo sakey a kiew ya inekal ed apoy;Balet agkayo pinmawil ed siak,’+ so imbaga nen Jehova.
12 Kanian dusaen ta ka lamet, O Israel.
Lapud ontan so gawaen kod sika,Manparaan kan onarap ed Dios mo, O Israel.
13 Ta sikato so amorma ed kapalandeyan+ tan amalsa ed dagem;+Ipapaamta tod too no anto ray walad kanonotan To,Pagmamaliwen ton ambilunget so palbangon,+Tan igagatin to iray atagey a pasen na dalin;+Say ngaran to et Jehova a Dios na saray armada.”
