Ezequiel 30:1-26
30 Tan oniay mensahe nen Jehova a sinmabi lamet ed siak:
2 “Anak na too, manpropesiya ka, tan ibagam, ‘Oniay inkuan na Soberanon Katawan a Jehova:
“Ugaog kayo, ‘Onsabi lay agew!’
3 Ta asingger lay agew, on, asingger lay agew nen Jehova.+
Sakey iyan agew a malurem,+ say aturon panaon parad saray nasyon.+
4 Onsabi so sakey ya espada sumpad Ehipto, tan nataktakot so Etiopia sano natumba iray napatey ed Ehipto;Naala iray kayamanan to tan natumba iray pundasyon to.+
5 Say Etiopia,+ Put,+ Lud, tan amin iramay taga arum a bansa,Tan say Kub, pati saray ananak ed dalin ya akisipanan,*Ompatey iran amin ed espada.”’
6 Oniay inkuan nen Jehova:
‘Naderal met iray onsusuporta ed Ehipto,Tan onkapuy so biskeg ya ipapasirayew to.’+
“‘Manlapud Migdol+ ya anggad Siene+ et ompatey ira ditan ed espada,’ so imbaga na Soberanon Katawan a Jehova.
7 ‘Magmaliw iratan a nagkalalon agnapanayaman nen saray dalin ya agpanaayaman, tan saray syudad to et nagkalalon naderal nen saray aderal a syudad.+
8 Tan naamtaan da a siak si Jehova sano padalangen koy apoy diad Ehipto tan naderal so amin a kaalyado to.
9 Diad satan ya agew et mangibaki ak na saray mensaheron akalugan ed saray barko pian panggiwgiwen da so mataletalek ya Etiopia; ontakot irad samay onsabin agew ed Ehipto, ta seguradon onsabi itan.’
10 “Oniay inkuan na Soberanon Katawan a Jehova: ‘Deralen koy dakerakel a totoo ed Ehipto diad panamegley na lima nen Arin Nabucodonosor* na Babilonia.+
11 Sikato tan saray sundalo to, saray sankaruksaan ed saray nasyon,+ so ibaki a maneral ed dalin. Uyosen da iray espada ra sumpad Ehipto tan say dalin et panoen da na saray pinatey.+
12 Pagmaliwen kon amagan dalin iray kanal na Nilo+ tan ilakok so dalin ed saray mauges a totoo. Diad panamegley na saray dayo et pagmaliwen kon ataynanan so dalin tan say amin a wadtan.+ Siak a mismo, si Jehova, so nansalita.’
13 “Oniay inkuan na Soberanon Katawan a Jehova: ‘Deralen ko met iray makapadimlan idolo* tan panganggaen ko iray andi-kakanaan a dirios na Nof.*+ Anggapo lay magmaliw a prinsipe* ed dalin na Ehipto, tan taktakoten ko iray walad dalin na Ehipto.+
14 Pagmaliwen kon agla napanayaman so Patros+ tan padalangen koy apoy diad Zoan tan ukomen ko so No.*+
15 Ikalbok so sanok ko ed Sin, say mabiskeg a syudad na Ehipto, tan deralen ko iray totoo ed No.
16 Padalangen koy apoy diad Ehipto; tan ontakot so Sin, tan nalooban so No, tan say Nof et atakien na kalaban legan ya agew ni!
17 Ompatey ed espada iray kalangweran a lalaki ed On* tan Pibeset, tan naaripen iray totoo ed saray syudad.
18 Ombilunget so agew diad Tehapnehes sano puteren ko iray pako na Ehipto.+ Mangangga so biskeg ya ipapasirayew to,+ sikatoy nasakbongan na lurem, tan naaripen iray totoo ed saray baley to.+
19 Ukomen ko so Ehipto, tan naamtaan da a siak si Jehova.’”
20 Tan diad koma-11 a taon, ed komapiton agew na unonan bulan et oniay mensahe nen Jehova a sinmabi ed siak:
21 “Anak na too, piniley koy taklay na Faraon ya ari na Ehipto; agla itan nabedberan pian onabig odino nabalkot pian nawalaay biskeg a mamemben na espada.”
22 “Kanian oniay inkuan na Soberanon Katawan a Jehova: ‘Onsumpa ak ed Faraon ya ari na Ehipto,+ tan puteren ko iray taklay to, samay mabiskeg tan samay apiley,+ ta pian naikbanan toy espada.+
23 Insan itaytayak ko iray Ehipsio ed saray nasyon tan dalin.+
24 Pabiskegen ko iray taklay* na ari na Babilonia+ tan iyan kod lima to so espadak,+ tan puteren ko iray taklay na Faraon, tan diad arapan to* et sikatoy onakis a maksil a singa toon manpapanabos.
25 Pabiskegen ko iray taklay na ari na Babilonia, balet onlaylay iray taklay na Faraon; tan naamtaan da a siak si Jehova sano iyan koy espadak ed lima na ari na Babilonia tan usaren to itan sumpad dalin na Ehipto.+
26 Tan itaytayak ko iray Ehipsio ed saray nasyon tan dalin,+ tan naamtaan da a siak si Jehova.’”
Paimanod leksab
^ Nayarin manutukoy ed saray Israelita ya akialyado ed Ehipto.
^ Literal, “Nabucodorosor,” sananey ya espeling.
^ Odino “pangulo.”
^ Odino “Memphis.”
^ Say Hebreon termino na saya et nayarin mikonektaan ed salita parad “tai na ayep” tan uusaren a panmudmora.
^ Salanti, say Tebes.
^ Salanti, Heliopolis.
^ Odino “Aruman koy pakayari.”
^ Salanti, diad arapan na ari na Babilonia.
