Isaias 2:1-22
2 Saya so anengneng nen Isaias ya anak nen Amoz nipaakar ed Juda tan Jerusalem:+
2 Diad kasampotan a parte na saray agew,*Say palandey a kawalaan na abung nen JehovaEt niletneg a malet ed tagey na saray toktok na kapalandeyan,+Tan magmaliw itan a mas atagey nen saray pukdol,Tan ondagsa ditan so amin a nasyon.+
3 Tan dakel a totoo so onla tan mangibaga:“Gali, ontatdang itayo ed palandey nen Jehova,
Diad abung na Dios nen Jacob.+
Ibangat tod sikatayo iray dalan to,Tan tumboken tayo iray basbas to.”+
Ta ompaway ed Sion so ganggan,*Tan ompaway ed Jerusalem so salita nen Jehova.+
4 Sikatoy mangukom ed saray nasyonTan ipetek to ray kaukolan ya ipetek parad dakel a totoo.
Pitpiten da ray espada ra pian gawaen a tarem na lukoyTan saray gayang da et gawaen dan palot.+
Anggapo lay nasyon a mangitagey na espada sumpad sananey a nasyon,Agmet la ra manaral a miguerra.+
5 O sankaabungan nen Jacob, gali,Manakar itayo ed liwawa nen Jehova.+
6 Ta pinaulyanan moy totoom, say sankaabungan nen Jacob,+Lapud dakel so inalig dad saray taga Bukig;Manguusar ira na mahiko+ a singa saray Filisteo,Tan diad limog da et dakerakel so ananak na saray dayo.
7 Say dalin da et napnoy pilak tan balitok,Tan agnabilang iray kayamanan da.
Say dalin da et napno na saray kabayo,Tan agnabilang iray karwahe ra.+
8 Say dalin da et napno na saray andi-kakanaan a dirios.+
Ondadakmomo ra ed samay ginawa na saray dilin lima ra,Ed samay ginawa na saray dilin gamet da.
9 Kanian napabanday so too, sikatoy nipaabeba,Tan agmo ra nayarin perdonaen.
10 Loob kayo ed baleg a bato tan mankotkot kayo na amotan yoLapud makapataktakot a kiwawala nen Jehova,Tan lapud katagyan na gloria to.+
11 Niyabeba iray mapaatagey,Tan ontuek* so malastog a too.
Si Jehova labat so narayrayew ed satan ya agew.
12 Ta satan so agew a parad si Jehova na saray armada.+
Onsabi itan ed amin a mapaatagey tan mapangta,Ed amin a niyatagey odino niyabeba,+
13 Ed amin ya ataragey tan niyatagey a kiew a sedro ed LebanonTan ed amin a kiew a roble* ed Basan,
14 Ed amin ya ataragey a kapalandeyanTan ed amin ya ataragey a pukdol,
15 Ed kada atagey a tori tan malet a padir,
16 Ed amin a barko na Tarsis+Tan ed amin a mararakep a baloto.
17 Niyabeba so mapaatagey a too,Tan ontuek* so malastog a too.
Si Jehova labat so narayrayew ed satan ya agew.
18 Sigpot a naandi iray andi-kakanaan a dirios.+
19 Tan onloob iray totoo ed saray ungibTan ed saray abot ed dalin,+Lapud makapataktakot a kiwawala nen JehovaTan lapud katagyan na gloria to,+Sano sikatoy ontalindeg pian panggiwgiwen to so dalin lapud takot.
20 Diad satan ya agew et alaen na totoo iray andi-kakanaan a pilak tan balitok a dirios daA ginawa ra pian dakmomoan da,Tan ibantak da iratan ed saray utot* tan kaging,+
21 Pian makaamot ira ed saray ungibTan ed saray letak na angkakabaleg a bato,Lapud makapataktakot a kiwawala nen JehovaTan lapud katagyan na gloria to,Sano sikatoy ontalindeg pian panggiwgiwen to so dalin lapud takot.
22 Parad pankaabigan yo, agkayo la manmamatalek ed too,A mandedepende ed dagem a susungapen to.*
Wala tay nagunggona ed sikato?
Paimanod leksab
^ Odino “Diad kaunoran iran agew.”
^ Odino “bilin.”
^ Odino “nipaabeba.”
^ Sakey iyan klase na angkabaleg a kiew. Diad Ingles et oak.
^ Odino “nipaabeba.”
^ Masisiban angkekelag ya ayayep a manpapasuso.
^ Odino “Ya oniingas ed eleng to.”
