Isaias 38:1-22
38 Diad saraman ya agew, si Hezekias et nansakit tan ngalngali la ompatey.+ Et linmad sikato si propetan Isaias+ ya anak nen Amoz tan inkuan to, “Oniay inkuan nen Jehova: ‘Bilin moy sankaabungan mo, ta ompatey ka la; agka la onabig.’”+
2 Diad saman et inmarap si Hezekias ed padir tan nampikasi ed si Jehova:
3 “Kasian mo ak, O Jehova, nonot mo+ komon a nanmatoor ak ed sika diad interon puso,+ tan ginawak so maabig ed pakanengneng mo.” Tan nanakis a maong si Hezekias.
4 Insan inkuan nen Jehova ed si Isaias:
5 “Pawil ka tan ibagam ed si Hezekias,+ ‘Oniay inkuan nen Jehova a Dios nen David ya inmunan ateng mo: “Nadngel koy pikakasim.+ Anengneng ko ray luam.+ Aruman koy 15 taon so bilay* mo,+
6 tan iliktar ta ka tan sayan syudad ed lima na ari na Asirya, tan iyagel ko iyan syudad.+
7 Saya so tanda ya iter nen Jehova pian nanengneng mo a tooren nen Jehova so imbaga to:+
8 Paseneren ko na samploran balitang so anino a linmeksab ed takayan* nen Ahaz.”’”+ Kanian sinmener na samploran balitang so anino anggaman akaleksab la itan.
9 Saya so insulat nen Arin Hezekias na Juda sanen sikatoy nansakit tan inmabig.
10 Inkuan ko: “Diad kapegleyan na bilay koEt onloob ak lad saray puerta na Lubok.*
Nisiblet ed siak iray nakekeraan a taon ko.”
11 Inkuan ko: “Agko la nanengneng si Jah,* si Jah ed dalin na saray mabilay.+
Agko la nanengneng so katooanSano nakaibak la iray manaayam ed pasen a mangangga so amin a bengatla.
12 Abagbag so ayaman ko tan inala ed siak+A singa tolda na managpastol.
Nilukot koy bilay ko a singa sakey a managlagay abel;Pinutot to ak a singa abel ed panaglagaan.
Manlapud agew anggad labi et iyaasingger mo ak ed anggaan.+
13 Papakalmaen koy inkasiak anggad kabuasan.
Singa sakey a leon, puputer-puteren toy amin a pukel ko;Manlapud agew ya anggad labi et iyaasingger mo ak ed anggaan.+
14 Singa ak manok a mangalimpana odino taras ya onuuni;+Singa ak malapati a mankukurukutok.+
Naksawan lay matak ya onnenengneng ed tagey:+
‘O Jehova, nagogonigon ak a maong;Tulongan mo ak!’*+
15 Anto ni kasi nibagak?
Sikatoy nansalita lad siak tan kinmiwas la.
Mapaabeba* ak a manakar ed amin a taon koLapud pirmin pakakagonigon ko.*
16 ‘O Jehova, manbibilay so amin a totoo lapud sarayan bengatla,*Tan walad saraya so bilay na espirituk.
Paabigen mo ak tan pansiansiaen mo ak a mabilay.+
17 Imbes a kareenan et pirmin kaermenan so walad siak;Balet lapud pinablim ak,*
Inliktar mo ak ed abot na kadederal.+
Imbantak mod benegan mo so amin a kasalanan ko.*+
18 Ta agka nitandoro na Lubok;*+Agka nirayew na Patey.+
Saramay onlalasur ed abot et agmakapanilalo ed inkamatoor mo.+
19 Saray mabilay, on, saray mabilay so makapangidayew ed sika,A singa gagawaen ko natan.
Nibangat na ama iray anak to nipaakar ed inkamatoor mo.+
20 O Jehova, iliktar mo ak,Tan togtogen mi ray kansion ko ed saray nandeles ya instrumento+Diad abung nen Jehova ed amin ya agew na bilay mi.’”+
21 Insan inkuan nen Isaias: “Mangala kayoy bibingka a gawad pinamaga tan pinitpit ya igos tan ipakep yod pelsa to, pian sikatoy onabig.”+
22 Intepet nen Hezekias: “Antoy tanda ya onsegep ak ed abung nen Jehova?”+
Paimanod leksab
^ Literal, “iray agew.”
^ Nayarin sarayan takayan et uusaren pian bilangen so oras, a singa say sundial.
^ Say “Jah” et pinatikey a ngaran a Jehova.
^ Literal, “Magmaliw kan garantiyak.”
^ Odino “Masimoon.”
^ Odino “paneermen na kamarerwak.”
^ Salanti, saray salita tan gawa na Dios.
^ Odino “Inekal mod pakanengneng mo iray kasalanan ko.”
^ Odino “so kamarerwak.”
