Isaias 62:1-12
-
Balon ngaran na Sion (1-12)
62 Agak manpareen nisengeg ed Sion,+Tan agak manpainawa nisengeg ed JerusalemAnggad onsinag so inkatunong to a singa masnag a liwawa+Tan ondalang so kililiktar to a singa silew.+
2 “O bii, nanengneng na saray nasyon so inkatunong mo,+Tan nanengneng na amin ya arari so gloriam.+
Tan natawag ka ed sakey a balon ngaran+Ya iter a mismo nen Jehova.
3 Magmaliw kan marakdakep a korona diad lima nen Jehova,Sakey a turbante na ari diad lima na Dios mo.
4 Agka la natawag a sakey a biin ataynanan,+Tan say dalin mo et agla nibagan agnapanayaman.+
Balet natawag kan “Sikato so Panliketan Ko,”+Tan say dalin mo et natawag a “Walaay Asawa.”
Ta panliketan ka nen Jehova,Tan say dalin mo et magmaliw a walaay asawa.
5 Ta singa sakey a balolaki a mangasawa na sakey a marikit,Asawaen ka na lalakin ananak mo.
Singa panliket na nobyo ed nobya to,Manliket so Dios mo lapud sika.+
6 O Jerusalem, angipasen ak na saray managbantay ed saray padir mo.
Sanagew tan sanlabi, diad amin a panaon et ag-ira nepeg a manpareen.
Sikayo ran mansasalita nipaakar ed si Jehova,Agkayo manpapainawa,
7 Agyo pampapainawaen anggad niletneg ton malet so Jerusalem,On, anggad gawaen ton kirayewan na dalin so syudad.”+
8 Insamba nen Jehova ed panamegley na kawanan a lima to tan say mabiskeg a taklay to:
“Agko la iter ed saray kalaban mo so ilik mo bilang naakan da,Odino say balon alak mo ya inumen na saray dayo, a saratan et nansagpotan mo.+
9 Balet saramay manaani na ilik so mangan ed satan tan idayew day Jehova;Tan saramay manitipon na alak so oninum ed satan diad masanton sular na templok.”+
10 Paway kayo, paway kayo ed saray puerta na syudad.
Mangiparaan kayoy dalanen na totoo.+
Manggawa kayo, manggawa kayoy karsada.
Ekalan yo itan na bato.+
Mangitagey kayoy sakey a tanda* parad totoo.+
11 Inyabawag la nen Jehova diad saray sampot na dalin:
“Ibaga yod anak a bii na Sion,‘Onsabi lay kilalaban mo.+
Walad sikato so itumang to,Tan walad sikato so upa ya ibayar to.’”+
12 Natawag iran masanton totoo, saray dinondon nen Jehova,+Tan natawag kan “Aanap-anapen,” say “Syudad ya Ag-ataynanan.”+
Paimanod leksab
^ Odino “palitek a pinagkatanda.”
