Jeremias 17:1-27
17 “Say kasalanan na Juda et nisulat ed panamegley na balatyang a panagsulat.
Diad panamegley na utok na diamante et niyukit itan ed puso ra,Tan diad saray saklor na saray altar da,
2 Tan nononoten na ananak dan lalaki iray altar tan saray sagradon poste ra*+A walad abay na masalompapak a kiew, diad atagey iran pukdol,+
3 Diad saray palandey ed kaumaan.
Iter ko bilang samsam iray kaykayarian mo, amin a kayamanan mo+—On, saray atagey a pasen mo, lapud kasalanan diad interon nasasakopan mo.+
4 Nabalang moy tawir mo ya inter kod sika, unong ed panlabay mo.+
Tan gawaen ta kan aripen na saray kalaban mo diad dalin ya agmo amta,+Ta pinadalang mon singa apoy so sanok ko.*+
Mandarlang itan a naynay.”
5 Oniay inkuan nen Jehova:
“Naayew so too* a manmamatalek ed saray totoo,+A maniilalo ed pakayari na too,*+Tan say puso to et arawi ed si Jehova.
6 Sikatoy magmaliw a singa kiew a bukbukor to ed desierto.
Agto nanengneng so isabi na maabig,Sikatoy manayam ed amagaan iran pasen ed kalawakan,Diad maasin a dalin ya agnapanayaman.
7 Nabendisyonan imay too* a manmatalek ed si Jehova,A say paniilaloan to et si Jehova.+
8 Sikatoy magmaliw a singa kiew ya intanem ed abay na danudanum,Ya inanatnat to iray lamot to diad kawalaay kulos.
Agto naliknay petang,Noagta naynay a mabunabuna iray bulong to.+
Tan sikatoy agnapagaan ed taon na kelang,Tan ag-ontundan manbunga.
9 Say puso et agnapanmatalkan* nen say antokaman a bengatla tan desperado.*+
Siopay makatebek ed satan?
10 Siak si Jehova, a manguusisa ed puso,+A manusuri ed saray sankaaraleman a kanonotan,*Pian iter kod balang too so unong ed saray dalan to,Unong ed bunga na saray kimey to.+
11 Singa sakey ya atap a manok a lelemleman toy agto iknol,Ontan so toon manpapayaman ed panamegley na panagsaol.*+
Diad kapegleyan na bilay to et taynanan to iratan,Tan sikato lanlamang so napaneknekan ya andiay pakatalos.”
12 Nitandoro la manlapud gapo so maglorian trono na Dios,Tan saya so santuaryo tayo.+
13 O Jehova, say ilalo na Israel,Nabaingan ya amin iramay anaynan ed sika.
Nisulat ed dabok iray ngaran na saramay manaapostata ed sika,*+Lapud tinaynan day Jehova, say subol na danum a mabilay.+
14 Paabig mo ak, O Jehova, tan onabig ak.
Iliktar mo ak, tan niliktar ak,+Ta sika so dadayewen ko.
15 Wala ray mangibabaga ed siak:
“Kawalaan na salita nen Jehova?+
Onsabi la komon itan!”
16 Balet siak, agak tinmundan tinmumbok ed sika bilang sakey a managpastol,Tan agko pinirawat so isabi na agew na kadederal.
Amtam ya amin so imbalikas na saray bibil ko;Agawa itan ya amin ed arapan mo!
17 Agmo ak komon tataynan pian agak ontakot.
Sika so pansalimbengan ko ed agew na kadederal.
18 Iyan mo komon ed kababaingan iray mamapasegsegang ed siak,+Balet agmo ak iiyan ed kababaingan.
Nataktakot ira komon,Balet agmo ak komon aabuloyan a nataktakot.
Idapom ed sikara so agew na kadederal,+Tan mekmeken mo ra tan sigpot mo ran deralen.*
19 Oniay inkuan nen Jehova ed siak: “La ka, tan alagey kad puerta na ananak na totoo a ditan so lolooban tan papawayan na saray arari na Juda, tan diad amin a puerta na Jerusalem.+
20 Ibagam ed sikara, ‘Dengel yoy salita nen Jehova, sikayo ran arari na Juda, amin yon totoo ed Juda, tan amin yon manaayam ed Jerusalem, ya onloloob ed sarayan puerta.
21 Oniay inkuan nen Jehova: “Bantayan yoy inkasikayo,* tan agkayo mangaawit na antokaman diad agew na Sabaton tan agyo itan iloloob ed saray puerta na Jerusalem.+
22 Agkayo mangaawit na antokaman ya ipaway yod abung yo diad agew na Sabaton; tan agkayo mankikimey.+ Pansiansia yon sagrado so agew na Sabaton, unong ya ingganggan kod saray inmuunan atateng yo.+
23 Balet ag-ira dinmengel odino nanimano, tan anawet so ulo ra* tan ag-ira mangawat na disiplina.”’+
24 “‘“Balet no sigpot kayon ontulok ed siak,” so imbaga nen Jehova, “tan agkayo mangiloob na antokaman diad saray puerta na sayan syudad ed agew na Sabaton, tan pansiansiaen yon sagrado so agew na Sabaton diad agyo pankimey,+
25 diad ontan et onloob ed saray puerta na sayan syudad iray arari tan saray prinsipe ya akayurong ed trono nen David,+ tan akalugan irad karwahe tan saray kabayo, sikara tan saray prinsipe ra, saray totoo ed Juda tan saray manaayam ed Jerusalem;+ tan sayan syudad et panayaman diad amin a panaon.
26 Tan onsabi iray totoo manlapud saray syudad na Juda, manlapud kaliberliber na Jerusalem, manlapud dalin na Benjamin,+ manlapud abeban pasen,+ manlapud mapalandey a rehyon, tan diad Negeb,* a sankaawit da iray interon apay a popoolan,+ saray bagat,+ saray apay a kakanen,+ olibano, tan saray bagat parad pisasalamat pian iyakar da ed abung nen Jehova.+
27 “‘“Balet no agkayo ontulok ed siak, ya agyo pansiansiaen a sagrado so agew na Sabaton tan mangawit kayoy antokaman tan iloob yo itan diad saray puerta na Jerusalem ed agew na Sabaton, poolan ko iray puerta to, tan upoten na satan iray malet a tori na Jerusalem+ tan ag-itan naerep.”’”+
Paimanod leksab
^ Odino posiblin, “Ta singa ka apoy a dinmangat lapud sanok ko.”
^ Odino “mabiskeg a too.”
^ Literal, “A say laman so gagawaen ton taklay to.”
^ Odino “mabiskeg a too.”
^ Odino “mapalikdo.”
^ Odino posiblin, “agla natambal.”
^ Odino “sankaaraleman ya emosyon.” Literal, “saray bato.”
^ Odino “manpapayaman balet aliwan diad inkahustisya.”
^ Literal, “ed siak,” mapatnag a manutukoy ed si Jehova.
^ Odino “tan mamiduam iran deralen.”
^ Odino “kamarerwa yo.”
^ Literal, “pinaawet day beklew da.”
^ Odino “abalaten.”
