Jeremias 9:1-26
9 O no komon ta say ulok et napnoy danum,Tan saray matak et subol na lua!+
Diad ontan et makapanakis ak ed agew tan labiLapud saray pinapatey a kabaleyan ko.
2 O no komon ta walay pampundoan ko sano manbiahe ak ed kalawakan!
Diad ontan et taynanan ko iray kabaleyan ko tan onarawi ak ed sikara,Ta amin da et mikakalugoran,+Sakey a grupo na saray managsaol.
3 Pipinaten dan singa pana so dila ra;Dinmakel ed dalin so katilaan, aliwan say inkamatoor.+
“Nantutumbokan so ginawa ran kaugsan,Tan agda ak inimano,”+ so inkuan nen Jehova.
4 “Manalwar so balang sakey ed sikayo ed kaabay to,Tan agkayo nepeg a manmatalek ed anggan say agi yo.
Ta traidor so amin ya agi yo,+Tan managpauges so amin a kaabay yo.+
5 Sasaolen na balang sakey so kaabay to,Tan anggapoy mansasalita na katuaan.
Impasal day dila ra a mansalita na katilaan.+
Inyupot day kasil da diad panggagawa na makapuy.
6 Manbibilay kan kaiba na saray totoon managpalikdo.
Lapud panamalikdo ra et agda ak labay a nakabat,” so imbaga nen Jehova.
7 Kanian oniay inkuan nen Jehova na saray armada:
“Tunawen ko ra tan surien ko ra,+Ta anto ni so nayarian kon gawaen ed biin anak na saray totook?
8 Makapatey a pana so dila ra a mansasalita na panamalikdo.
Kareenan so sasalitaen na sakey a too ed kaabay to,Balet diad puso to et iplaplano to lay pantambang to.”
9 “Agak kasi mikuentaan ed sikara lapud sarayan bengatla?” so imbaga nen Jehova.
“Agak kasi ombales* ed onian klase na nasyon?+
10 Onakis tan mantagleey ak lapud saray kapalandeyanTan mangansion ak na tagleey* lapud saray panagpastolan ed kalawakan,Ta apoolan iratan kanian anggapo lay toon ondadalan ditan,Tan anggapo lay narengel ya uni na saray ayayep.
Tinmaynan la iray manok tan ayayep; anggapo la ra.+
11 Pagmaliwen kon bunton na saray bato so Jerusalem,+ a panayaman na saray ason jakal,+Tan pagmaliwen kon pasen ya apaulyanan iray syudad na Juda, ya anggapoy anggan sakey a manaayam.+
12 Siopa so marunong a makatalos ed saya?
Siopa so angibagaan nen Jehova a mangipaamta ed satan?
Akin et aderal iyan dalin?
Akin et apoolan a singa kalawakan,Kanian anggapo lay ondadalan?”
13 Oniay ebat nen Jehova: “Lapud impulisay day ganggan* ya inter kod sikara, tan agda itan tinumbok tan agda dinengel so boses ko.
14 Impilit dan tinumbok so puso ra,+ tan tinumbok da iray imahen nen Baal, unong ya imbangat ed sikara na saray kaamaan da.+
15 Kanian oniay inkuan nen Jehova na saray armada, say Dios na Israel, ‘Pakanen koy ahenho irayan totoo, tan painumen ko ray nansamal a danum.+
16 Itaytayak ko ra ed saray nasyon ya agda kabat tan agkabat na saray kaamaan da,+ tan ibakik so sakey ya espada a mangusil ed sikara anggad naupot ko ra.’+
17 Oniay inkuan nen Jehova na saray armada,‘Kiwas kayon walaay pakatalos.
Tawag yo ray bibiin managkansion na saray tagleey,*+Tan patawag yo ray marunong a bibii,
18 Pian manapura ira tan mantagleey ira parad sikatayo,Pian onagus so lua ed saray mata tayoTan onterter so danum ed lukablukab na saray mata tayo.+
19 Ta narerengel so ungol na pantagleey ed Sion:+
“Agaylay impakaderal tayo!
Agaylay kababaingan tayo!
Ta tinaynan tayo so dalin, tan inggeba da iray ayaman tayo.”+
20 Sikayo ran bibii, dengel yo so salita nen Jehova.
Awat yo so ibabaga to.
Ibangat yod saray anak yon bibii iyan tagleey,Tan ibangat yod sakey tan sakey iyan kansion a tagleey.*+
21 Ta say patey et sinmapat ed saray bintana tayo;Linmoob itan ed saray malet a tori tayoPian alaen tod karsada iray ugugawTan alaen tod plaza iray kalangweran a lalaki.’+
22 Ibagam, ‘Oniay inkuan nen Jehova:
“Saray bangkay na totoo et napelag a singa tai na ayep diad uma,Singa adasig a kapampalot a pagey ya intilak na managgapas,Ya anggapoy manipon ed saratan.”’”+
23 Oniay inkuan nen Jehova:
“Agkomon ipasirayew na marunong a too so karunongan to;+Agkomon ipasirayew na mabiskeg a too so inkabiskeg to;Tan agkomon ipasirayew na mayaman a too iray kayamanan to.”+
24 “Balet saya komon so ipasirayew na samay manpasirayew:
Sikatoy walaan na aralem a pakatalos tan kakabatan ed siak,+A siak si Jehova, say mangipapatnag na matoor a panangaro, inkahustisya, tan inkatunong diad dalin,+Ta panliketan ko irayan bengatla,”+ so imbaga nen Jehova.
25 “Onsabi panaon,” so imbaga nen Jehova, “a mikuentaan ak ed amin ya asegat balet diad tua et agni ra asegat,+
26 pati ed Ehipto,+ Juda,+ Edom,+ saray Ammonita,+ Moab,+ tan ed amin na saramay akatlian so buek ed alupising da a manaayam diad kalawakan;+ ta amin a nasyon et ag-asegat, tan say interon sankaabungan na Israel et ag-asegat so puso ra.”+
Paimanod leksab
^ Odino “Agkasi ombales so kamarerwak.”
^ Odino “kansion parad paneermen.”
^ Odino “bilin.”
^ Odino “saray kansion parad paneermen.”
^ Odino “kansion parad paneermen.”
