Job 16:1-22
16 Et inmebat si Job, a kuan to:
2 “Dakdakel lay onian nadngel ko nensaman.
Amin yo et makapagonigon a managligliwa!+
3 Mangangga ni kasi iray maapan* salita?
Antoy mamapakiwas ed sikayon onebat na onia?
4 Sarag ko met so mansalita a singa gagawaen yo.
No wala kayod kipapasen ko,*Sarag koy mangusar na makakombinse iran salita sumpad sikayoTan ipeyengpeyeng koy ulok ed sikayo.+
5 Anggaman ontan, pabiskegen ta kayo diad saray salitan ompapaway ed sangik,Tan say panagligliwa na bibil ko et mangiter na inawa.+
6 No mansalita ak, agnaekal so sakit a naliliknak,+Tan no agak la mansalita, kaunongay nabawas ed satan?
7 Balet natan, pinakapuy ak na Dios;+Dineral to so interon sankaabungan ko.*
8 Sisingkaten mo ak met, tan kinmana itan a pantasi,Kanian say inkaebeng ko et mantetestigo sumpad siak.
9 Say sanok to so aneral ed siak, tan eem-eman toy sakit na linawa tod siak.+
Manngayet iray ngipen to lapud siak.
Susugatan ak na kalaban ko diad panamegley na saray mata to.+
10 Sinmangi ra pian akmonen da ak,+Tan tinatampal da ak pian mudmoraen ak;Dakdakel iran nantitipon sumpad siak.+
11 Iyaawat ak na Dios ed saray kalangweran a lalaki,Tan ibubuntok to ak ed saray lima na mauges.+
12 Dati et anggapoy mangogonigon ed siak, balet ta dineral to ak;+Dinegkeman toy tenger ko tan pinapairap to ak;Insan ginawa to ak a puntirya to.
13 Papaliberan ak na saray managpana to;+Duduyoken to ray batok+ tan agmakakaliknay panangasi;
Iyiibung toy apgok diad dalin.
14 Singa ak padir a bubungaw-bungawen to;Sikatoy singa sundalon onaatakid siak.
15 Nandait ak na sakon abel pian sakbongan so baog ko,+Tan intabon kod dabok so kagalangan* ko.+
16 Ambalanga lay lupak ed panaakis ko,+Tan asireg la ray matak,
17 Anggano saray limak et agnanggawa na inkaruksa,Tan say pikakasik et dalisay.
18 O dalin, agmo komon tatabonan so dalak!+
Tan anggapo komon so pampainawaan na akis ko!
19 Anggan natan, samay mantatasi parad siak et walad tawen;Samay makapantestigo parad siak et walad tagey.
20 Leleglemewen ak na kakaarok+Legan ak ya onaakis ed Dios.*+
21 Komon ta walay mamegley diad baetan na sakey a too tan say Dios,A singa diad baetan na sakey a too tan say kapara ton too.+
22 Ta daiset lay taon ya onsabi,Tan paonla ak lad dalan ya anggapo lay pawilan.+
Paimanod leksab
^ Odino “maragem a.”
^ Odino “No say kamarerwa yo et walad kamarerwak.”
^ Odino “iramay mititipon ed siak.”
^ Odino “biskeg.” Literal, “saklor.”
^ Odino posiblin, “Legan a say matak et ag-onuugip ed pantatalaran ed Dios.”
