Job 28:1-28
28 “Walay pasen a panmiminasan na pilakTan walay pasen parad balitok a papupuroen;+
2 Say balatyang et aalaen ed dalinTan say gansa et tutunawen* manlapud saray bato.+
3 Say too et dadaegen toy kabilungetan;Sikatoy mansusukimat inerman so nasabi to diad kabilungetan,A manaanap na mina.*
4 Sikatoy mangokotkot na dalanan ya abot, ya arawid panaayaman na totoo,Diad saray pasen ya alingwanan la tan arawid panaakaran na totoo;Wala ray lalakin onleleksab tan mankikimey ya akabitin ed lubir.
5 Diad tapew na dalin et ontutubo iray naakan;Balet diad dalem, walay kaguloan a singano diad panamegley na apoy.*
6 Saray bato ditan et walay safiro,Tan say dabok et walaan na balitok.
7 Ag-amta na manok a managsibar so basbas a paonla ditan;Agni itan anengneng na mata na baga.
8 Agni akadakat ditan iray masebeg ya ayayep;Agni akakar ditan so mabiskeg a leon.
9 Say too et idadapo toy lima to ed anaw-awet a bato;Dederalen to ray pundasyon na saray palandey.
10 Sikatoy manggagawa na aagusay danum+ diad bato;Nanenengneng na mata to so amin a mablin bengatla.
11 Sasaraan to ray panlalapuan na saray ilogTan say akaamot et ipapaway tod liwawa.
12 Balet iner so pakaromogan ed karunongan?+Tan iner so panlalapuan na pakatalos?+
13 Anggapo so toon makaamta ed kablian na satan,+
Tan ag-itan naromog diad dalin na saray mabilay.
14 Ibabaga na araralem a danum, ‘Anggapod siak!’
Tan ibabaga na dayat, ‘Anggapo dia!’+
15 Ag-itan nasaliw na puron balitok;Tan ag-itan nisalat ed sinimbang a pilak.+
16 Ag-itan nasaliw na balitok na Ofir+Odino say sankaabigan a klase na baton onix tan safiro.
17 Ag-itan naparaan na balitok tan salming;Tan ag-itan nisalat ed pananginan a gawad maabig a klasen* balitok.+
18 Arawin dalin so korales tan baton kristal,+Ta say karunongan et mas mabli ni nen say sansupot a perlas.
19 Ag-itan naparaan na topacio+ na Cus;*Ag-itan nabayaran na anggan say puron balitok.
20 Balet iner so kawalaan na karunongan,
Tan iner so panlalapuan na pakatalos?+
21 Ag-itan impanengneng ed balang mabilay a bengatla+Tan inyamot itan ed saray manok.
22 Ibabaga na kadederal tan ipapatey,‘Nadngelan mi labat so nipaakar ed satan.’
23 Say Dios so makatalos no panon itan a naromog;Sikato labat so makaamta no iner itan manaayam,+
24 Ta sikatoy onnenengneng ed saray sampot na dalin,Tan nanenengneng toy amin a bengatla diad silong na tawen.+
25 Sanen inikdan toy puersa* so dagem+Tan sinukat to ray danum,+
26 Sanen nanggawa na ganggan parad uran+Tan basbas parad makarol tan malurem a bagyo,+
27 Diad saman et anengneng toy karunongan tan impaliwawa to itan;Inletneg tan sinubok to itan.
28 Tan imbaga tod too:
‘Say takot ed si Jehova et karunongan,+Tan say iyarawi ed kaugsan et pakatalos.’”+
Paimanod leksab
^ Literal, “ikakalbo.”
^ Literal, “bato.”
^ Mapatnag ya ontutukoy ed panagminas.
^ Odino “puron.”
^ Odino “Etiopia.”
^ Literal, “belat.”
