Joel 3:1-21
3 “Ta diad saratan ya agew tan diad satan a panaon,Sano ipawil ko iramay narel a totoo na Juda tan Jerusalem,+
2 Tiponen ko met so amin a nasyonTan iyakar ko ra diad Lawak* nen Jehosafat.*
Ditan ko ra ukomen+Nisengeg ed totook tan say tawir ko ya Israel,Ta intaytayak da rad saray nasyon,Tan nanaapagan day dalin ko.+
3 Ta pampapalaranan day totook;+Manlako ray ugaw a laki pian walay iyabang dad sakey a paabang a bii,Tan manlako ray ugaw a bii pian makainum ira na alak.
4 Sakey ni, antoy kasalanan kod sikayo,O Tiro tan Sidon tan amin yon rehyon ed Filistia?
Wala tay ginawak a sengegay ibales yod siak?
No ontan so gagawaen yod siak,Iyan kon tampol ed ulo yo so panangibales ko.+
5 Lapud inaala yo ray pilak tan balitok ko,+Tan inawit yod saray templo yo iray mararakep a kayamanan ko;
6 Tan inlako yod saray Griego iray totoo na Juda tan Jerusalem,+Pian ekalen yo ra ed dalin da;
7 Pakiwasen ko ran ompaway ed pasen ya angilakoan yod sikara,+Tan iyan kod ulo yo so panangibales ko.
8 Ilakok iray ananak yon lalaki tan bibii ed saray totoo na Juda,+Tan ilako da ra ed saray totoo ed Sheba, diad nasyon ya arawdawi;Ta si Jehova a mismo so angibaga ed saya.
9 Iyabawag yo iyad saray nasyon:+
‘Manparaan kayo parad* guerra! Pakiwas yo ray mabibiskeg a lalaki!
Paasingger yo so amin a sundalo, paabante yo ra!+
10 Pitpit yo ray tarem na lukoy yo pian gawaen ya espada tan saray palot yo pian gawaen a gayang.
Ibaga komon na samay makapuy: “Mabiskeg ak.”
11 Dago kayo tan tulong kayo, amin yon nasyon a walad kaliberliber, tan mantitipon kayo!’”+
O Jehova, paleksab mod satan a pasen iramay makapanyarim.*
12 “Onkiwas komon iray nasyon tan onla ra ed Lawak* nen Jehosafat;Ta diman ak onyurong pian mangukom ed amin a nasyon a walad kaliberliber.+
13 Usar yo ray palot yo, ta matatken lay aanien.
Gali tan mangigatin kayo, ta napno la iray panagpespesan na ubas.+
Manleppua la ray pananginan, ta agaylay inkauges da.
14 Dakdakel a totoo so walad lawak* a pangukoman ed saray totoo,Ta asingger lay agew nen Jehova diad lawak* a pangukoman ed saray totoo.+
15 Ombilunget so agew tan bulan,Tan agla onsinag iray bitewen.
16 Tan si Jehova et onaglem a singa leon manlapud Sion,Ikasil toy boses to manlapud Jerusalem.
Tan nayegyeg so tawen tan dalin;Balet si Jehova so magmaliw a salimbengan na totoo to,+Sakey a panag-amotan na saray totoo na Israel.
17 Tan naamtaan yo a siak si Jehova a Dios yo, a manaayam ed Sion a masanton palandey ko.+
Magmaliw a masanton pasen so Jerusalem,+Tan agla ondakat ditan iray sananey a totoo.*+
18 Diad satan ya agew et onagus so masamit ya alak manlapud kapalandeyan,+Onagus so gatas manlapud saray pukdol,Tan onagus so danum ed amin ya ilog na Juda.
Ompaway so sakey a subol manlapud abung nen Jehova,+Tan paranuman na satan so Lawak* na Saray Kiew ya Acacia.
19 Balet magmaliw ya agnapanayaman so Ehipto,+Tan magmaliw a kalawakan ya agnapanayaman so Edom,+Lapud inkaruksa ra ed saray totoo na Juda,+A diad dalin da so angipaagusan day dala na andiay kasalanan.+
20 Balet naynay a walay manayam ed Juda,Tan ed Jerusalem diad ilabas na dakel a henerasyon.+
21 Ipasen kon andiay kasalanan so dala ra* a datin impasen kon makasalanan;+Tan manayam si Jehova ed Sion.”+
Paimanod leksab
^ Odino “Abeban Patar.”
^ Kabaliksan toy “Si Jehova so Ukom.”
^ Literal, “Pasantos yoy.”
^ Odino “sundalom.”
^ Odino “Abeban Patar.”
^ Odino “abeban patar.”
^ Odino “abeban patar.”
^ Odino “iray dayo.”
^ Odino “Kulos.”
^ Odino “so impankasalanan da ed dala.”