Jonas 2:1-10
2 Insan diad eges na sira et nampikasi si Jonas ed si Jehova a Dios to,+
2 tan inkuan to:
“Lapud gonigon ko et tinmawag ak ed si Jehova, tan inebatan to ak.+
Diad kaaralman* na Lubok* et kinmerew ak na tulong.+
Nadngel moy boses ko.
3 Sanen imbuntok mo ak ed kaaralman, diad pegley na maawang a dayat,Diad saman et asakbongan ak na saray agus.+
Sinakuloban ak na amin ya angkakabaleg a daluyon mo.+
4 Tan inkuan ko, ‘Pinataynan mo ak ed arapan mo!
Panoy pakanengneng ko lamet ed masanton templom?’
5 Sinakbongan ak na danudanum tan nipeligro so bilay ko;*+Inakmon ak na araralem a danum.
Apotipotan so ulok na saray tanaman ed dayat.
6 Linmereg ak anggad sankaleksaban na saray palandey.
Onkakapot ed siak iray puerta na dalin diad andi-anggaan.
Balet manlapud abot et inagwat mo ak a mabilay, O Jehova a Dios ko.+
7 Sanen kalkalnan naaandi so bilay ko,* si Jehova so anonotan ko.+
Diad saman et sinmabi ed sika so pikakasik, ed masanton templom.+
8 Saramay mandadayew ed andi-kakanaan iran idolo et tinaynan da so lapuan na matoor a panangaro.*
9 Balet siak, manbagat ak ed sika tan pisalamatan ta ka.
Tooren ko no antoy insipan ko.+
Manlapud si Jehova so kililiktar.”+
10 Agnambayag et ingganggan nen Jehova imay sira, tan inyula toy Jonas ed amagan dalin.
Paimanod leksab
^ Literal, “eges.”
^ Odino “Pinaliberan ak na danudanum anggad kamarerwa.”
^ Odino “kamarerwak.”
^ Odino posiblin, “so katooran da.”