Josue 12:1-24
12 Natan, saraya so arari na dalin a tinalo na saray Israelita, a say dalin na saraya et kinayarian da diad bandad bukig a pagpag na Jordan, manlapud Lawak na Arnon*+ ya anggad Palandey Hermon+ tan say interon Araba ed bandad bukig:+
2 si Arin Sihon+ na saray Amoreo, a nanayam ed Hesbon tan nanuley ed Aroer,+ a walad gilig na Lawak na Arnon,*+ tan manlapud pegley na lawak, tan kapaldua na Gilead ya anggad Lawak* na Jabok, say ketegan na saray Ammonita.
3 Sikatoy nanuley met ed Araba ya anggad Dayat na Kineret*+ diad bandad bukig tan anggad Dayat na Araba, say Dayat na Asin,* diad bandad bukig a paarap ed Bet-jesimot, tan diad bandad abalaten ed kelas na Pisga.+
4 Kinayarian da met so teritorya nen Arin Og+ na Basan, a sakey ed saray akeran Refaim,+ a nanayam ed Astarot tan Edrei
5 tan nanuley ed Palandey Hermon, diad Saleca, tan ed interon Basan,+ ya anggad ketegan na saray Gesurita tan Maacatita,+ tan kapaldua na Gilead, ya anggad teritorya nen Arin Sihon na Hesbon.+
6 Tinalo ira nen Moises a lingkor nen Jehova tan saray Israelita.+ Kayari na satan et inter nen Moises a lingkor nen Jehova so dalin da bilang kayarian na saray Rubenita, Gadita, tan say kapalduan tribu nen Manases.+
7 Saraya so arari na dalin a tinalo nen Josue tan saray Israelita diad bandad sagur a pagpag na Jordan, manlapud Baal-gad+ diad Lawak na Lebanon+ ya anggad Palandey Halak,+ a patatdang ed Seir,+ tan kayari na satan et inter nen Josue so dalin da ed saray tribu na Israel bilang kayarian unong ed apag da,+
8 diad mapalandey a rehyon, Sefela, Araba, diad saray gilig na palandey, diad kalawakan, tan diad Negeb+—say dalin na saray Heteo, Amoreo,+ Canaanita, Perizeo, Heveo, tan Jebuseo:+
9 Say ari na Jerico;+ say ari na Ai+ a walad abay na Bethel;
10 say ari na Jerusalem; say ari na Hebron;+
11 say ari na Jarmut; say ari na Lakis;
12 say ari na Eglon; say ari na Gezer;+
13 say ari na Debir;+ say ari na Geder;
14 say ari na Horma; say ari na Arad;
15 say ari na Libna;+ say ari na Adulam;
16 say ari na Makeda;+ say ari na Bethel;+
17 say ari na Tapua; say ari na Hefer;
18 say ari na Afek; say ari na Lasaron;
19 say ari na Madon; say ari na Hazor;+
20 say ari na Simron-meron; say ari na Acsaf;
21 say ari na Taanac; say ari na Megido;
22 say ari na Kedes; say ari na Jokneam+ ed Carmel;
23 say ari na Dor+ diad saray niyatagey a dalin na Dor; say ari na Goiim ed Gilgal;
24 say ari na Tirza; ami-amin et 31 ya arari.
Paimanod leksab
^ Odino “Kulos na Arnon.”
^ Odino “Kulos na Arnon.”
^ Odino “Kulos.”
^ Salanti, say Inatey a Dayat.
^ Salanti, say dayat na Genesaret, odino say Dayat na Galilea.
