Josue 16:1-10
16 Tan say dalin a niiter ed panamegley na pampapalaranan*+ parad kailalakan nen Jose+ et manlapud Jordan diad Jerico ya anggad danum a walad bukig na Jerico, ya anggad kalawakan a mamaatagey manlapud Jerico tan mamaarap ed mapalandey a rehyon na Bethel.+
2 Manlapu itan ed Bethel a sakop na Luz tan onsabi ed ketegan na saray Arkita diad Atarot,
3 insan mamalasur itan diad bandad sagur a paarap ed ketegan na saray Jafleteo ya anggad ketegan na Abeban Bet-horon+ tan Gezer,+ tan mangangga ed dayat.
4 Kanian kinayarian na saray kapolian+ nen Jose, salanti, Manases tan Efraim, so dalin da.+
5 Saya so ketegan na saray kailalakan nen Efraim unong ed saray pamilya ra: Say ketegan na tawir da diad bukig et say Atarot-adar,+ ya anggad Atagey a Bet-horon,+
6 tan say ketegan et onsabi ed dayat. Say Micmetat+ et walad amianen, tan say ketegan et onliber a paarap ed bukig ya anggad Taanat-silo, tan ondalan ed bukig ya anggad Janoa.
7 Insan mamalasur itan manlapud Janoa ya anggad Atarot tan Naara tan onsabi ed Jerico+ ya anggad Jordan.
8 Manlapud Tapua,+ say ketegan et onsabi ed sagur ya anggad Kulos na Kana, tan mangangga ed dayat.+ Saya so tawir na tribu nen Efraim unong ed saray pamilya ra;
9 wala met iray syudad ya inggana parad saray kailalakan nen Efraim diad loob na tawir na Manases,+ amin a syudad tan saray baryo ditan.
10 Balet agda pinataynan iray Canaanita a manaayam ed Gezer,+ tan nantultuloy a nanayam ed limog na Efraim iray Canaanita anggad sayan agew+ tan nagmaliw iran ariripen.+
Paimanod leksab
^ Odino “niiter ya apag.”
