Josue 19:1-51
19 Insan say komaduan apag+ et niiter ed si Simeon, salanti, ed tribu nen Simeon+ unong ed saray pamilya ra. Tan say tawir da et walad loob na tawir na Juda.+
2 Say tawir da et say Beer-sheba+ a pati say Sheba, Molada,+
3 Hazar-sual,+ Bala, Ezem,+
4 Eltolad,+ Betul, Horma,
5 Ziklag,+ Bet-marcabot, Hazar-susa,
6 Bet-lebaot,+ tan Saruhen—13 syudad tan saray baryo ditan;
7 say Ain, Rimon, Eter, tan Asan+—apatiran syudad tan saray baryo ditan;
8 tan amin a baryo ed kaliberliber na sarayan syudad ya anggad Baalat-beer, say Rama ed abalaten. Saya so tawir na tribu nen Simeon unong ed saray pamilya ra.
9 Say tawir na saray kailalakan nen Simeon et nanlapud dalin na Juda, ta say apag na Juda et maawang a maong parad sikara. Kanian walad loob na tawir da so dalin ya akayarian na saray kailalakan nen Simeon.+
10 Insan say komatlon apag+ et niiter ed saray kapolian nen Zebulon+ unong ed saray pamilya ra, tan say ketegan na tawir da et anggad Sarid.
11 Say ketegan da et mamaarap ed sagur diad Mareal tan onsabi ed Dabeset insan anggad lawak* a walad petek na Jokneam.
12 Tan manlapud Sarid et mamaarap itan ed bukig diad bubutayan na agew ya anggad ketegan na Kislot-tabor tan ompaway ed Daberat,+ tan mamaatagey ed Jafia.
13 Tan manlapu ditan et onsabi itan ed bukig diad bubutayan na agew ya anggad Gat-hefer,+ diad Et-kazin, tan ompaway ed Rimon tan onnatnat ya anggad Nea.
14 Tan say ketegan et onliber ed amianen ya anggad Hanaton, tan mangangga ed Lawak na Iftael,
15 tan say Katat, Nahalal, Simron,+ Idala, tan Betlehem+—12 syudad tan saray baryo ditan.
16 Saya so tawir na saray kailalakan nen Zebulon unong ed saray pamilya ra.+ Saraya so syudad tan saray baryo ditan.
17 Say komapat ya apag+ et niiter ed si Isacar, ed saray kailalakan nen Isacar+ unong ed saray pamilya ra.
18 Tan say ketegan da et anggad Jezreel,+ Kesulot, Sunem,+
19 Hafaraim, Shion, Anaharat,
20 Rabit, Kision, Ebez,
21 Remet, En-ganim,+ En-hada, tan Bet-pazez.
22 Tan say ketegan et anggad Tabor,+ Sahazuma, tan Bet-semes, tan say anggaan na ketegan da et diad Jordan—16 a syudad tan saray baryo ditan.
23 Saya so tawir na tribu nen Isacar unong ed saray pamilya ra,+ saray syudad tan saray baryo ditan.
24 Insan say komaliman apag+ et niiter ed tribu nen Aser+ unong ed saray pamilya ra.
25 Tan say ketegan da et say Helkat,+ Hali, Beten, Acsaf,
26 Alamelec, Amad, tan Misal. Onsabi itan ed sagur ya anggad Carmel+ tan anggad Sihor-libnat,
27 tan ompawil itan a paarap ed bukig ya anggad Bet-dagon tan onsabi ya anggad Zebulon tan ed Lawak na Iftael diad amianen, ya anggad Bet-emek tan Neiel, tan onsabi ed Cabul diad kawigi,
28 tan ed Ebron, Rehob, Hamon, tan Kana ya anggad say baleg a syudad na Sidon.+
29 Tan say ketegan et ompawil ed Rama ya anggad say apadiran a syudad na Tiro.+ Insan ompawil so ketegan ed Hosa, tan mangangga diad dayat a walad rehyon na Aczib,
30 Uma, Afek,+ tan Rehob+—22 syudad tan saray baryo ditan.
31 Saya so tawir na tribu nen Aser unong ed saray pamilya ra.+ Saraya so syudad tan saray baryo ditan.
32 Say komanem ya apag+ et niiter ed saray kailalakan nen Neftali unong ed saray pamilya ra.
33 Say ketegan da et manlapud Helef, manlapud baleg a kiew diad Zaananim,+ tan say Adami-nekeb tan Jabneel ya anggad Lakum; tan mangangga itan ed Jordan.
34 Say ketegan et ompawil ed sagur ya anggad Aznot-tabor tan manlapu ditan et onsabi ya anggad Hukkok tan onsabi ed Zebulon diad abalaten tan ed Aser diad sagur tan anggad Juda diad Jordan ed bukig.
35 Tan saray apadiran a syudad et say Zidim, Zer, Hamat,+ Rakat, Kineret,
36 Adama, Rama, Hazor,+
37 Kedes,+ Edrei, En-hazor,
38 Yiron, Migdal-el, Horem, Bet-anat, tan Bet-semes+—19 a syudad tan saray baryo ditan.
39 Saya so tawir na tribu nen Neftali unong ed saray pamilya ra,+ saray syudad tan saray baryo ditan.
40 Say komapiton apag+ et niiter ed tribu nen Dan+ unong ed saray pamilya ra.
41 Tan say ketegan na tawir da et say Zora,+ Estaol, Ir-semes,
42 Saalabin,+ Aijalon,+ Itla,
43 Elon, Timna,+ Ekron,+
44 Elteke, Gibeton,+ Baalat,
45 Jehud, Bene-berak, Gat-rimon,+
46 Me-jarcon, tan Rakon, a say ketegan et akaarap ed Joppe.+
47 Balet say teritorya na Dan et mainget lan maong parad sikara.+ Kanian linma ran akiguerra ed Lesem+ tan sinakop da itan tan pinatey dad espada iray totoo. Insan inala ra itan tan nanayam ira ditan, tan sinalatan da na Dan so ngaran na Lesem, unong ed ngaran nen Dan ya inmunan ateng da.+
48 Saya so tawir na tribu nen Dan unong ed saray pamilya ra. Saraya so syudad tan saray baryo ditan.
49 Diad saman et asumpal dan inapag so tawir unong ed saray teritorya na satan. Insan inikdan na saray Israelita si Josue ya anak nen Nun na sakey a tawir diad limog da.
50 Diad ganggan nen Jehova et inter dad sikato so syudad a kinerew to, salanti, say Timnat-sera,+ diad mapalandey a rehyon na Efraim, tan impaalagey to so syudad tan nanayam ditan.
51 Saratan so tawir ya inter di Eleazar a saserdote, si Josue ya anak nen Nun, tan saray lider na saray pamilya na saray tribu na Israel+ diad panamegley na pampapalaranan, ed Silo+ diad arapan nen Jehova, diad lolooban na tolda a pantitiponan.+ Kanian asumpal dan inapag so dalin.
Paimanod leksab
^ Odino “kulos.”
