Josue 20:1-9
-
Saray syudad a salimbengan (1-9)
20 Insan oniay imbaga nen Jehova ed si Josue:
2 “Ibagam ed saray Israelita, ‘Mamili kayo na saray syudad yon salimbengan+ a sinalitak ed sikayo ed panamegley nen Moises,
3 pian ombatik ditan imay agto ginagala odino aksidente* ya akapatey na too.* Tan onkana iratan a salimbengan yo ed manangibales na dala.+
4 Sikatoy nepeg ya ombatik ed sakey ed sarayan syudad+ tan onalagey diad lolooban ed puerta na syudad+ tan ipresenta toy kaso to ed pakadngel na saray mamatatken ed satan a syudad. Insan sikatoy awaten da ed satan a syudad tan ikdan day pasen a panayaman to tan miayam ed sikara.
5 No usilan na samay manangibales na dala imay akapatey, sikatoy agda nepeg ya iyawat, ta aksidente* ya akapatey na too ya agto met bubusolen.+
6 Sikatoy manayam ed satan a syudad anggad iyarap tod saray totoon nantitipon parad panangukom,+ tan mansiansia ditan anggad ipatey na atagey a saserdote+ a manlilingkor ed satan a panaon. Insan nayarian to lay ompawil ed syudad a tinaynan to, tan makaloob lad syudad tan abung to.’”+
7 Kanian pinasanto ra* so Kedes+ diad Galilea ed mapalandey a rehyon na Neftali, say Siquem+ ed mapalandey a rehyon na Efraim, tan say Kiriat-arba,+ salanti, say Hebron, ed mapalandey a rehyon na Juda.
8 Diad rehyon na Jordan, diad bukig na Jerico et pinili ra so Bezer+ ed kalawakan a walad atagey a patar manlapud tribu nen Ruben, say Ramot+ ed Gilead manlapud tribu nen Gad, tan say Golan+ ed Basan manlapud tribu nen Manases.+
9 Saraya so syudad a nibiig parad amin ya Israelita tan saray dayon manaayam ed limog da, pian ombatik ditan imay akapatey na too* ya agto ginagala,+ pian sikatoy agnapatey na samay manangibales na dala antis na iyalagey tod arapan na saray totoon nantitipon parad panangukom.+
Paimanod leksab
^ Odino “agto amta.”
^ Odino “angabil na kamarerwa.”
^ Odino “agto amta.”
^ Odino “imbiig da.”
^ Odino “kamarerwa.”
