Josue 21:1-45
21 Inmasingger natan iray lider na saray pamilya na saray Levita ed si Eleazar+ a saserdote, si Josue ya anak nen Nun, tan saray lider na saray pamilya na saray tribu na Israel,
2 tan nansalita rad sikara diad Silo+ ed dalin na Canaan, ya inkuan da: “Ingganggan nen Jehova ed panamegley nen Moises a naikdan kami na saray syudad a panayaman, ontan met ed saray panagpastolan parad ayayep mi.”+
3 Kanian diad ganggan nen Jehova et inter na saray Israelita ed saray Levita irayan syudad+ tan saray panagpastolan manlapud dilin tawir da.+
4 Niiter so apag ed saray pamilya na saray Kohatita,+ tan diad saray Levita a kapolian nen Aaron a saserdote et niiter ed sikara diad panamegley na pampapalaranan* so 13 syudad manlapud tribu nen Juda,+ tribu nen Simeon,+ tan tribu nen Benjamin.+
5 Tan say nipabtang* ed saray akeran Kohatita et samploran syudad manlapud saray pamilya na tribu nen Efraim,+ tribu nen Dan, tan kapalduan tribu nen Manases.+
6 Tan say nipabtang ed saray Gersonita+ et 13 syudad manlapud saray pamilya na tribu nen Isacar, tribu nen Aser, tribu nen Neftali, tan kapalduan tribu nen Manases diad Basan.+
7 Niiter ed saray Merarita+ unong ed saray pamilya ra so 12 syudad manlapud tribu nen Ruben, tribu nen Gad, tan tribu nen Zebulon.+
8 Kanian inter na saray Israelita ed saray Levita irayan syudad tan saray panagpastolan ditan diad panamegley na pampapalaranan, unong ya ingganggan nen Jehova ed panamegley nen Moises.+
9 Saraya so kangaranan na syudad+ ya inter da manlapud tribu nen Juda tan tribu nen Simeon,
10 tan niiter iraya ed saray Levitan ananak nen Aaron a kabiangan ed saray pamilya na Kohatita, ta niiter ed sikara so unonan apag.
11 Inter dad sikara so Kiriat-arba+ (si Arba so ama nen Anak), salanti, say Hebron,+ diad mapalandey a rehyon na Juda, tan saray panagpastolan ed kaliberliber na satan.
12 Balet inter dad si Caleb ya anak nen Jefune so uma na syudad tan saray baryo ditan bilang kayarian to.+
13 Tan inter dad saray ananak nen Aaron a saserdote so syudad a salimbengan parad sakey ya akapatey,+ salanti, say Hebron+ tan saray panagpastolan ditan, ontan met ed Libna+ tan saray panagpastolan ditan,
14 say Jatir+ tan saray panagpastolan ditan, say Estemoa+ tan saray panagpastolan ditan,
15 say Holon+ tan saray panagpastolan ditan, say Debir+ tan saray panagpastolan ditan,
16 say Ain+ tan saray panagpastolan ditan, say Juta+ tan saray panagpastolan ditan, tan say Bet-semes tan saray panagpastolan ditan—siameran syudad manlapud sarayan duaran tribu.
17 Tan manlapud tribu nen Benjamin: say Gibeon+ tan saray panagpastolan ditan, say Geba tan saray panagpastolan ditan,+
18 say Anatot+ tan saray panagpastolan ditan, tan say Almon tan saray panagpastolan ditan—apatiran syudad.
19 Amin a syudad a niiter ed saray kailalakan nen Aaron, saray saserdote, et 13 syudad tan saray panagpastolan ditan.+
20 Tan niiter ed saray arum nin pamilya na saray Kohatita a Levita iray syudad manlapud tribu nen Efraim ed panamegley na pampapalaranan.
21 Inter dad sikara so syudad a salimbengan parad sakey ya akapatey,+ salanti, say Siquem+ tan saray panagpastolan ditan diad mapalandey a rehyon na Efraim, say Gezer+ tan saray panagpastolan ditan,
22 say Kibzaim tan saray panagpastolan ditan, tan say Bet-horon+ tan saray panagpastolan ditan; apatiran syudad.
23 Tan manlapud tribu nen Dan: say Elteke tan saray panagpastolan ditan, say Gibeton tan saray panagpastolan ditan,
24 say Aijalon+ tan saray panagpastolan ditan, say Gat-rimon tan saray panagpastolan ditan—apatiran syudad.
25 Tan manlapud kapalduan tribu nen Manases: say Taanac+ tan saray panagpastolan ditan, tan say Gat-rimon tan saray panagpastolan ditan—duaran syudad.
26 Amin a syudad pati saray panagpastolan a niiter ed saray arum nin pamilya na saray Kohatita et samplora.
27 Tan saray Gersonita+ a kabiangan ed saray pamilya na saray Levita et inawat da ed kapalduan tribu nen Manases so syudad a salimbengan parad sakey ya akapatey, salanti, say Golan+ diad Basan tan saray panagpastolan ditan, tan say Beestera tan saray panagpastolan ditan—duaran syudad.
28 Tan manlapud tribu nen Isacar:+ say Kision tan saray panagpastolan ditan, say Daberat+ tan saray panagpastolan ditan,
29 say Jarmut tan saray panagpastolan ditan, tan say En-ganim tan saray panagpastolan ditan—apatiran syudad.
30 Tan manlapud tribu nen Aser:+ say Misal tan saray panagpastolan ditan, say Abdon tan saray panagpastolan ditan,
31 say Helkat+ tan saray panagpastolan ditan, tan say Rehob+ tan saray panagpastolan ditan—apatiran syudad.
32 Tan manlapud tribu nen Neftali: say syudad a salimbengan+ parad sakey ya akapatey, salanti, say Kedes+ ed Galilea tan saray panagpastolan ditan, say Hamot-dor tan saray panagpastolan ditan, tan say Kartan tan saray panagpastolan ditan—taloran syudad.
33 Amin a syudad na saray Gersonita unong ed saray pamilya ra et 13 syudad tan saray panagpastolan ditan.
34 Tan manlapud tribu nen Zebulon+ et niiter ed saray pamilya na saray Merarita,+ saray arum nin Levita, so Jokneam+ tan say panagpastolan ditan, say Karta tan saray panagpastolan ditan,
35 say Dimna tan saray panagpastolan ditan, tan say Nahalal+ tan saray panagpastolan ditan—apatiran syudad.
36 Tan manlapud tribu nen Ruben: say Bezer+ tan saray panagpastolan ditan, say Jahaz tan saray panagpastolan ditan,+
37 say Kedemot tan saray panagpastolan ditan, tan say Mefaat tan saray panagpastolan ditan—apatiran syudad.
38 Tan manlapud tribu nen Gad:+ say syudad a salimbengan parad sakey ya akapatey, salanti, say Ramot ed Gilead+ tan saray panagpastolan ditan, say Mahanaim+ tan saray panagpastolan ditan,
39 say Hesbon+ tan saray panagpastolan ditan, tan say Jazer+ tan saray panagpastolan ditan—ami-amin et apatiran syudad.
40 Amin a syudad a niiter bilang apag na saray Merarita unong ed saray pamilya ra, saray arum nin pamilya na saray Levita, et 12 syudad.
41 Amin a syudad na saray Levita a walad loob na saray kayarian na saray Israelita et 48 syudad pati saray panagpastolan ditan.+
42 Kada sakey ed sarayan syudad et walaan na panagpastolan ed paliber na satan.
43 Kanian inter nen Jehova ed Israel so interon dalin ya insipan tod saray inmuunan atateng da,+ tan kinayarian da tan nanayam ira ditan.+
44 Niarum ni, impanpainawa ira nen Jehova manlapud amin ya akapaliber a kalaban da, unong ed amin ya insipan tod saray inmuunan atateng da,+ tan anggapoy anggan sakey ed saray kalaban da ya akatalod sikara.+ Inyawat nen Jehova ed lima ra so amin a kalaban da.+
45 Anggapoy anggan sakey a sipan* ya ag-asumpal ed amin a maabig ya insipan nen Jehova ed sankaabungan na Israel; tinmua iratan ya amin.+
Paimanod leksab
^ Odino “niiter ya apag da.”
^ Odino “niiter ed panamegley na pampapalaranan.”
^ Odino “salita.”
