Say Kansion nen Solomon 1:1-17
-
Sankarakepan a kansion (1)
-
Kalangweran a bii (2-7)
-
Anak a bibii na Jerusalem (8)
-
Ari (9-11)
-
“Igawaan mi kay balitok iran parakep” (11)
-
-
Kalangweran a bii (12-14)
-
“Say pinabpablik et singa sakey supot na mira ya ambalbalingit” (13)
-
-
Pastol (15)
-
“O inarok, maganggana ka”
-
-
Kalangweran a bii (16, 17)
-
‘O pinabpablik, makapasagyat ka’ (16)
-
1 Say sankarakepan a kansion* nen Solomon:+
2 “Angoban ak komon na bibil mo,Ta say pangipapatnag moy panangaro et mas maong ni nen say alak.+
3 Ambalbalingit iray larak ya ipupuyok mo.+
Say ngaran mo et singa ambalbalingit a larak ya ikakalbo ed ulo.+
Kanian labalabay ka na saray kalangweran a bibii.
4 Komon ta ipilam ak; ombatik ta.
Inyakar ak na ari ed loob na saray kuarto to!
Manliket ta komon tan panggayagaan tay balang sakey.
Irayew* tay pangipapatnag moy panangaro a mas masamit ni nen say alak.
Duga labat a labalabay da* ka.
5 Andeket ak balet magana ak met, O anak a bibii na Jerusalem,Singa ak saray tolda na Kedar,+ singa saray abel na tolda+ nen Solomon.
6 Agyo ak nenengnengen lapud deket ko,Ta lanang ak a nanaagew.
Nampasnok ed siak iray agagik a lalaki;Ginawa da ak a manag-asikaso na saray kaubasan,Balet say sarilik a kaubasan et agko naasikaso.
7 O inad-arok,* ibagam ed siakNo iner so pangipapastolan mod pulok mo,+No iner so pangipaparukolan mod sikara no kaagwan.
Akin et magmaliw ak a singa sakey a biin akapandong*Diad saray pulok a papastolan na kakaibam?”
8 “O sankagangganaan ed amin a bibii, no agmo amta,La ka tan tumbok mo ray basbas na pulokTan ipastol mo ray kilaw a kanding mo diad abay na saray tolda na managpastol.”
9 “O inarok, inyaliling ta ka ed kabatyan a kabayo* ya isisintad saray karwahe na Faraon.+
10 Balibali iray aping mo a walaan na saray parakep,*Ontan met so beklew mon nankuwintas.
11 Igawaan mi kay balitok iran parakep*Ya adekorasyonan na pilak.”
12 “Legan ya akayurong so ari ed arap na lamisaan to,Naaangob so pabalingit ko.*+
13 Parad siak, say pinabpablik et singa sakey supot na mira ya ambalbalingit+A mamapalabas na labi diad pagew ko.
14 Parad siak, say pinabpablik et singa kumpol na rosas a hena+Diad kaubasan na En-gedi.”+
15 “O inarok, maganggana ka.
On, maganggana ka. Saray matam et singa matay malapati.”+
16 “O pinabpablik, makapasagyat* tan makapaliket ka.+
Say dukolan ta et walad saray bulobulong.
17 Saray biga na abung* ta et kiew a sedro,Saray gubida to et kiew ya enebro.
Paimanod leksab
^ Literal, “Say kansion na saray kansion.”
^ Odino “Isalaysay.”
^ Salanti, saray kalangweran a bibii.
^ Odino “inad-aro na kamarerwak.”
^ Odino “akapandong na parad paneermen.”
^ Odino “kabayok.”
^ Odino posiblin, “diad saray nilapir a buek mo.”
^ Odino “malimpek a parakep.”
^ Literal, “nardok.”
^ Odino “guapguapo.”
^ Odino “balibalin abung.”