Say Kansion nen Solomon 2:1-17
2 “Sakey ak labat a rosas a safron ed patar,*Sakey a lirio ed saray lawak.”+
2 “Singa sakey a lirio ed pegley na sabisabitSo inarok ed limog na saray anak a bibii.”
3 “Singa say sakey a kiew a mansanas ed pegley na kakiewan,Ontan so pinabpablik ed limog na saray anak a lalaki.
Pampilpilalekan koy onyurong ed silong to,Tan say bunga to et masamsamit ed pakataway ko.
4 Inawit to ak ed abung a pampoponsiaan,*Tan sankanengneng na amin a siak labat so inaro to.
5 Komon ta painawaen yo ak ed panamegley na saray bibingkan pasas;+Pabiskeg yo ak ed panamegley na saray mansanas,Ta makapkapuy ak la lapud pakakailiw kod inad-arok.
6 Say kawigin lima to et akabemben ed ulok,Tan say kawanan a lima to et akalakap ed siak.+
7 O anak a bibii na Jerusalem, sambaan yod siakDiad arap na saray ulsa a gazela+ tan arum a bibiin ulsa ed uma:
Anggad agko labayen et agyo liliingen so panangarok.+
8 Narerengel koy boses na pinabpablik!
Ni, onsasabi la,Onkakalab ed kapalandeyan tan manbagtik ed kapukdolan.
9 Say pinabpablik et singa ulsa a gazela, singa kilaw a kalakian ya ulsa.+
Niman, akaalagey ed beneg na dingding mi,Onnenengneng ed bintana,Ontatakiling ed bintanan nansanib.*
10 Say pinabpablik et nansalita, a kuan tod siak,
‘Alagey ka, O inarok a maganggana,Mila kad siak.
11 Linmabas lay ambetel a panaon.*
Tinmunda lay uran, anggapo la.
12 Wala la ray rosas ed kaalogan,+Sinmabi lay panaon na panagpalin ed kaubasan,+Tan say kurokutok na palekpek et narerengel lad kaalogan tayo.+
13 Saray inmunan bunga na kiew ya igos et aluto la;+Saray kaubasan et manrorosas la tan ambalingit la.
Alagey ka, O inarok a maganggana,
Mila kad siak.
14 O malapatik a walad sanib na baleg a bato,+Diad maamot iran pasen na kelas,Manpanengneng kad siak tan iparengel moy boses mo,+Ta makapaliket so boses mo tan maganggana ka.’”+
15 “Erel yo ray kuyangen,Saray angkekelag a kuyangen a manederal ed saray kaubasan,Ta saray kaubasan mi et manrorosas la.”
16 “Say pinabpablik et para labat ed siak tan para ak labat ed sikato.+
Sikatoy manpapastol+ ed kawalaan na saray lirio.+
17 Antis ya ombetel so agew* tan naandi iray anino,Pawil kan tampol, O pinabpablik,A singa ulsa a gazela+ odino kilaw a kalakian ya ulsa+ diad saray palandey a walad baetan ta.*
Paimanod leksab
^ Literal, “patar ed baybay.”
^ Literal, “abung na alak.”
^ Odino “bintanan nankinsi-kinsi.”
^ Odino “mamauran.”
^ Literal, “oningas so agew.”
^ Odino posiblin, “saray linmengat a palandey.” Odino “kapalandeyan na Bether.”
