Say Kansion nen Solomon 3:1-11
3 “Kada labi diad dukolan koEt aanapen ko may inad-arok.*+
Sikatoy inanap ko balet agko aromog.+
2 Ombangon ak tan manliber ak ed syudad;Diad saray karsada tan diad saray plazaEt anapen ko may inad-arok.*
Sikatoy inanap ko balet agko aromog.
3 Saray bantay ya onliliber ed syudad et anengneng da ak.+
Tinepet kod sikara, ‘Anengneng yo may inad-arok?’*
4 Kalampas koy daiset,Aromog ko may inad-arok.*
Binembenan ko, tan agko inikbananAnggad niyakar kod abung nen inak,+Diad kuarto na samay angilukon ed siak.
5 O anak a bibii na Jerusalem, sambaan yod siakDiad arap na saray ulsa a gazela tan arum a bibiin ulsa ed uma:
Anggad agko labayen et agyo liliingen so panangarok.”+
6 “Anto kasi may mamapaatagey a manlalapud kalawakan a singa asewek,A pinabalingitan na mira tan olibano,Tan amin a klase na ambalingit a pulbo na sakey a managlako?”+
7 “Ah, satan may dukolan nen Solomon.
Akapaliber ed satan so anemaplon mabibiskeg a lalaki,A nanlapud saray mabibiskeg a lalaki ed Israel,+
8 Amin da et de-awit na espada,Amin et impasal parad guerra,Balang sakey et akasukbit na espadaPian manbantay lapud saray makapataktakot a nagagawa no labi.”
9 “Saya may dukolan* nen Arin SolomonYa impagawa to manlapud saray kiew na Lebanon.+
10 Saray seklang to et gawad pilak,Saray saralan to et gawad balitok.
Say yurongan to et kolor-ube ya abel;*Say loob to et maar-aron dinekorasyonanNa saray anak a bibii na Jerusalem.”
11 “Paway kayo, O anak a bibii na Sion,Nengneng yoy Arin SolomonYa akasulong na koronan parad kasal* a ginawa nen ina to+Diad agew na pankasal to,Diad agew na panlikliket na puso to.”
Paimanod leksab
^ Odino “inad-aro na kamarerwak.”
^ Odino “inad-aro na kamarerwak.”
^ Odino “inad-aro na kamarerwak.”
^ Odino “inad-aro na kamarerwak.”
^ Dukolan a walaay tarong a pangiluluganan ed sakey ya importantin too.
^ Odino “kolor-ube ya abel a gawad bagoy karnero.”
^ Odino “parakep; rosas a korona.”