Say Kansion nen Solomon 4:1-16
4 “O inarok, maganggana ka.
On, maganggana ka.
Saray matam et singa matay malapati diad sanib na pandong mo.
Say buek mo et singa pulok na saray kandingYa onlalasur ed kapalandeyan na Gilead.+
2 Saray ngipen mo et singa pulok na karneroA kapankatli tan kapanames,Amin da et walaan na lason a kilaw,Tan anggapod saraya so nababalang.
3 Say bibil mo et singa ambalbalangan tinebey,Tan say panagsalitam et makapaliket.
Singa pisag na bungay granadaIray aping* mo diad sanib na pandong mo.
4 Say beklew mo+ et singa tori nen David,+A gawad bato ya impantatapewan,A walay akasabit a sanlibon panagsamper,Amin a malimpek a panagsamper na mabibiskeg a lalaki.+
5 Saray susom et singa duaran kilaw ya ulsa,Saray lason na ulsa a gazela,+A mamangan diad kawalaan na saray lirio.”
6 “Antis ya ombetel so agew* tan naandi iray anino,Onla ak ed palandey na miraTan ed pukdol na olibano.”+
7 “O inarok, talagan maganggana ka,+Anggapoy nabalaw ed sika.
8 Mila kad siak, taynanan tay Lebanon, O nobyak,Mila kad siak, taynanan tay Lebanon.+
Epas ka manlapud toktok na Amana,*Manlapud toktok na Senir, say toktok na Hermon,+Manlapud saray ayaman na leon, manlapud kapalandeyan a kawalaan na saray leopardo.
9 Apaibeg moy pusok,+ O agik, O nobyak,Apaibeg moy pusok diad sakey labat a linggis mo,Diad sakey a palawit na kuwintas mo.
10 Alay abig na pangipapatnag moy panangarom,+ O agik, O nobyak!
Say pangipapatnag moy panangarom et mas maong ni nen say alak,+Tan say angob na pabalingit mo nen say antokaman a pampabalingit!+
11 O nobyak, say bibil mo et manterter na puron dilo.+
Say dilam et nan-gatas tan nan-dilo,+Tan say angob na saray kawes mo et singa angob na Lebanon.
12 Say agik, say nobyak, et singa tinalakan a hardin,Sakey a tinalakan a hardin, sakey a subol a sinaraan.
13 Saray simit* mo et paraiso* na saray granadaA wala ray sankasamitan a prutas tan saray tanaman a hena tan nardo,
14 Say nardo+ tan safron, unas*+ tan sinamon,+Tan amin a klase na kiew ya olibano, mira, tan aloe,+Tan amin a sankaabigan a pabalingit.+
15 Sakey kan subol ed hardin, sakey a bobon na malinis a danum,Tan manag-agus a kulos a manlalapud Lebanon.+
16 Liing ka, O dagem ed amianen;Gala dia, O dagem ed abalaten.
Siplog ka ed hardin ko.
Onkayat komon iray pabalingit to.”
“Onla komon so pinabpablik ed hardin toTan mangan na saray sankasamitan a prutas.”
Paimanod leksab
^ Odino “alupising.”
^ Literal, “oningas so agew.”
^ Odino “Anti-Lebanon.”
^ Odino posiblin, “katat.”
^ Odino “hardin.”
^ Sakey ya ambalingit a tanubong.
