Say Kansion nen Solomon 6:1-13
6 “Iner so nila na pinabpablim,O sankagangganaan ed amin a bibii?
Iner so inarap to?
Ibaan mi kan mananap ed sikato.”
2 “Say pinabpablik et linmad hardin to,Diad kawalaan na saray pampabalingit a tanaman,Pian manpastol diad saray hardinTan mamongsil na saray lirio.+
3 Para ak labat ed pinabpablikTan sikatoy para labat ed siak.+
Sikatoy manpapastol ed kawalaan na saray lirio.”+
4 “O inarok,+ maganggana ka a singa say Tirza,*+Marakdakep so itsuram a singa say Jerusalem,+Makapadinayew ka a singa saray armada ya akapaliber ed saray bandira da.+
5 Agmo inenengneng ed siak iray matam+Ta nadadaeg day liknaan ko.
Say buek mo et singa pulok na saray kandingYa onlalasur manlapud Gilead.+
6 Saray ngipen mo et singa pulok na karneron kapanames,Amin da et walaan na lason a kilaw,Tan anggapod saraya so nababalang.
7 Singa pisag na bungay granadaIray aping* mo diad sanib na pandong mo.
8 Nayarin walay 60 reynaTan 80 onkokomaduan asawan bibiiTan agnabilang a kalangweran a bibii,+
9 Balet alenleneg so malapatik,+ samay andiay pakabalawan.
Sikatoy alenleneg ed kinen ina to.
Sikatoy paborito* na samay angiyanak ed sikato.
Sikatoy nanenengneng na saray anak a bibii, tan maabig so ibabaga ra nipaakar ed sikato;Sikatoy irarayew na saray reyna tan saray onkokomaduan asawan bibii.
10 ‘Siopa yay biin makapasagyat* a singa palbangon,Maganggana a singa say bulan a tulaw,*Malinis a singa say liwawa na agew,Makapadinayew a singa saray armada ya akapaliber ed saray bandira da?’”+
11 “Linma ak ed hardin na saray manbubungan kakiewan+Pian nengnengen ko ray balon tubo diad lawak,*No kasin sinmimit* lay kaubasan,Tan no kasin nanrosas la ray kiew a granada.
12 Agko aliklikasYa inyakar ak na pilalek ko*Diad saray karwahe na kagalgalang* a kabaleyan ko.”
13 “Pawil ka, pawil ka, O Shulamita!
Pawil ka, pawil ka,Pian nanengneng mi ka!”
“Akin et onnenengneng kayod Shulamita?”+
“Sikatoy mipara ed sayaw na duaran grupo!”*
Paimanod leksab
^ Odino “Makapaliket a Syudad.”
^ Odino “alupising.”
^ Literal, “sakey a dalisay.”
^ Literal, “onuusdong.”
^ Odino “sulaw.”
^ Odino “kulos.”
^ Odino “nanrosas.”
^ Odino “kamarerwak.”
^ Odino “mabulos.”
^ Odino “sayaw na Mahanaim.”