Miqueas 4:1-13
4 Diad kasampotan a parte na saray agew,*Say palandey a kawalaan na abung nen Jehova+Et niletneg a malet ed tagey na saray toktok na kapalandeyan,Tan magmaliw itan a mas atagey nen saray pukdol,Tan ondagsa ditan iray totoo.+
2 Tan dakel a nasyon so onla tan mangibaga:
“Gali, ontatdang itayo ed palandey nen JehovaTan diad abung na Dios nen Jacob.+
Ibangat to itayo nipaakar ed saray dalan to,Tan manakar itayo ed saray basbas to.”
Ta ompaway ed Sion so ganggan,*Tan ompaway ed Jerusalem so salita nen Jehova.
3 Sikatoy mangukom ed dakel a totoo+Tan ipetek to ray kaukolan ya ipetek parad saray mabiskeg a nasyon ed arawi.
Pitpiten da ray espada ra pian gawaen a tarem na lukoyTan saray gayang da et gawaen dan palot.+
Anggapo lay nasyon a mangitagey na espada sumpad sananey a nasyon,Agmet la ra manaral a miguerra.+
4 Onyurong* so balang sakey diad silong na ubas to tan diad silong na kiew ton igos,+Tan anggapoy manaktakot ed sikara,+Ta sinalita iyan mismo nen Jehova na saray armada.
5 Ta manakar so amin a totoo ed ngaran na dios da,Balet manakar itayo ed ngaran nen Jehova a Dios tayo+ ed anggad angga.
6 “Diad satan ya agew,” so imbaga nen Jehova,“Sikato a mankitley et tiponen ko,Tan pankasakeyen ko imay nitaytayak,+Pati saramay sinakitan ko.
7 Ikerak imay mankitley,+Tan samay sakey ya imbantak ed arawi et gawaen kon mabiskeg a nasyon,+Tan si Jehova so manuley bilang ari ra diad Palandey Sion,Manlapud natan ya anggad angga.
8 Tan sika, O tori na say pulok,Say pukdol na biin anak na Sion,+Onsabi itan ed sika, on, onsabi imay inmuna* a pakauley,+Say panarian na biin anak na Jerusalem.+
9 Natan, akin et maneyag ka?
Anggapo tay arim,Odino naandi ta lay mananimbawam,Kanian manpapasakit kan singa biin manaanak?+
10 Bikotkot tan ungol ka, O biin anak na Sion,Singa sakey a biin manaanak,Ta ontaynan ka natan ed syudad tan manayam kad uma.
Onla kan anggad Babilonia,+Tan diman ka niliktar;+Diman ka dondonen nen Jehova ed lima na saray kalaban mo.+
11 Natan et natipon iray dakel a nasyon sumpad sika;Ibaga ran, ‘Paulyan yon narutakan so Sion,Tan nengnengen tayo iyan nagawad sikato.’
12 Balet agda amta iray kanonotan nen Jehova,Agda natalosan so gagala* to;Ta tiponen to ran singa sakey a dasig na kapampalot a pagey diad panag-ilikan.
13 Alagey ka tan manbayo kay ilik, O biin anak na Sion;+Ta pagmaliwen kon balatyang iray saklor mo,Tan pagmaliwen kon gansa iray kukom,Tan mekmeken moy dakerakel a totoo.+
Iganam parad si Jehova iray nabang ya agamoran dad panagsaol,Tan saray kayarian da parad say tuan Katawan na interon dalin.”+
Paimanod leksab
^ Odino “Diad kaunoran iran agew.”
^ Odino “bilin.”
^ Odino “Manayam.”
^ Odino “dati.”
^ Odino “simbawa.”
