Nahum 1:1-15
1 Say mensahe sumpad Ninive:+ Say libro na pasingawey nen Nahum* ya Elkosita:
2 Si Jehova et Dios a kakaukolanen ton sikato labat so dayewen+ tan sikatoy ombales;Ombales si Jehova tan akaparaan lan mangipatnag na sanok to.+
Ombales si Jehova ed saray kalaban to,Tan iyibung toy sanok to ed saray mamubusol ed sikato.
3 Si Jehova et matantan a manpasnok+ tan balbaleg ed pakapanyari,+Balet seguradon iter nen Jehova so manepeg a dusa.+
Say dadalanen to et diad makaderal a dagem tan bagyo,Tan saray lurem et singa dabok ed saray sali to.+
4 Banoen toy dayat,+ tan paekaten to itan;Tan paekaten toy amin ya ilog.+
Nalenes so Basan tan Carmel,+Tan nalenes iray rosas na Lebanon.
5 Nayegyeg iray kapalandeyan lapud sikato,Tan natunaw iray pukdol.+
Natenyeg so mundo lapud lupa to,Pati say dalin tan amin a manaayam ditan.+
6 Siopay makapansiansia ed sanok to?+
Tan siopay makatepel ed petang na pasnok to?+
Nikalbon singa apoy so sanok to,Tan nabuybuyak iray angkakabaleg a bato lapud sikato.
7 Si Jehova et maomaong,+ sakey a panag-amotan diad agew na gonigon.+
Sankanonot* to iramay pasasalimbengan ed sikato.+
8 Diad panamegley na baleg a delap et sigpot ton deralen so pasen to,*Tan usilan na kabilungetan iray kalaban to.
9 Antoy iisipen yon gawaen ed si Jehova?
Sikatoy sigpot a maneral.
Agla napiduan nagawa so gonigon.+
10 Ta nansasangalan ira a singa saray sabit,Tan singa ra abuek ed serbesa;*Balet naupot iran singa amagan dayami.
11 Ompaway ed sika imay manisip a manggaway mauges ed si Jehova,A mangiter na anggapoy kakanaan a simbawa.
12 Oniay inkuan nen Jehova:
“Anggano mabisbiskeg tan dakdakel ira,Nageba ra tan ompatey ira.*
Dinusa ta ka* la, balet agta ka dusaen lamet.
13 Tan natan et puteren koy pako to ed sika,+Tan pultoten ko iray akabalor ed sika.
14 Oniay ingganggan nen Jehova nipaakar ed sika,*‘Agla mansiansia so ngaran mo.
Deralen ko iray inukit ya imahen tan saray metal ya estatua ed abung* na dirios mo.
Manggawa ak na lubok mo, lapud makapadimla ka.’
15 Manaakar ed kapalandeyan imay mangipapasabi na maong a balita,Samay mangiyaabawag na kareenan.+
Selebraan mo ray piestam,+ O Juda, sumpal mo iray sipan mo,Lapud aglan balot ondalan ed sika so andi-kakanaan.
Sikatoy sigpot a naderal.”
Paimanod leksab
^ Kabaliksan toy “Managligliwa.”
^ Odino “Aasikasoen.” Literal, “Kabat.”
^ Say Ninive.
^ Odino “serbesa a nanlapud trigo.”
^ Odino posiblin, “tan sikatoy ondalan.”
^ Say Juda.
^ Say Asirya.
^ Odino “templo.”
