Nahum 2:1-13
2 Onlulusob ed sikayo* imay mangitatayak ed totoo.+
Protektaan yo ray padir.
Bantayan yo so dalan.
Iparaan yoy sarili yo* tan manpabiskeg kayon maong.
2 Ta ipawil nen Jehova so ipapasirayew na Jacob,Pati say ipapasirayew na Israel,Lapud dineral ira na saray managderal;+Tan dineral da ray simit da.
3 Akoloran na ambalanga iray panagsamper na saray mabiskeg a lalaki,Ambalbalangay kawes na saray sundalo to.
Mankidyam a singa apoy iray balatyang a walad karwahe ton pan-guerra,Diad agew na pampaparaan to parad panlalaban,Tan sano iwawasiwas da la iray gayang a gawad kiew ya enebro.
4 Manuusilan ed karsada iray karwahen pan-guerra.
Maples iran ontatatdang tan onlalasur ed saray plaza.
Mankirlap iran singa saray mandarlang a silew tan mankidyam iran singa kirmat.
5 Patawag na ari iray opisyal to.
Napatir ira legan iran onaabante.
Mangganat iran onla ed padir to;Mangiyan ira na depensa.
6 Nalukasan iray puerta na saray ilog,Tan natunaw* so palasyo.
7 Niyabawag* la: Sikatoy niparungtal,Sikatoy narel la, tan manakis iray aripen ton bibii;Singa ra malapatin man-uni legan dan tatapoktapoken so pagew* da.
8 Say Ninive+ et singa depositoan na danum diad amin a panaon to,Balet ombabatik la ra natan.
“Tunda kayo! Tunda kayo!”
Balet anggapoy anggan sakey ya ompapawil.+
9 Manamsam kayoy pilak, manamsam kayoy balitok!
Agnabilang so kayamanan.
Napno itan na amin a klase na ankablin bengatla.
10 Anggapo lay karga na syudad, ataynanan tan aderal la itan!+
Atunaw ed takot so kapusoan da, manpapatogan iray pueg da, tan manggiwgiw iray balangbang da;Binmalanga iray lupa ra.
11 Iner so kawalaan na ayaman na saray leon,+ a ditan mamangan iray malangwer a leon,*A ditan ompapaway so leon legan ton iwawanwan iray kilaw to,Tan anggapoy takotan da?
12 Magenap so biningkas na leon parad saray kilaw to,Tan sikatoy anegkem parad saray kaiba ton kabatyan a leon.
Pinano to iray ungib to na saray narel to,Pinano to iray ayaman to na abingbingkas ya ayayep.
13 “Onsumpa ak ed sika,” so imbaga nen Jehova na saray armada,+“Poolan ko iray karwahem a pan-guerra anggad onasewek iratan,+Tan akmonen na espada iray malangwer a leon* mo.
Paandien kod dalin iray eerelen mo,Tan anggapo lay narengel ya ungol na saray mensaherom.”+
Paimanod leksab
^ Say Ninive.
^ Literal, “Pabiskeg yo iray balangbang.”
^ Odino “nageba.”
^ Odino “Niletneg.”
^ Literal, “puso.”
^ Odino “iray mabiskeg tan malangwer a leon.”
^ Odino “iray mabiskeg tan malangwer a leon.”
