Numeros 33:1-56
33 Oniay paraan na impanbiahe na saray totoo na Israel sanen pinmaway irad dalin na Ehipto+ unong ed saray grupo ra*+ diad panangiwanwan nen Moises tan Aaron.+
2 Isusulat nen Moises iray pasen a tataynanan da diad pambiabiahe ra unong ed ganggan nen Jehova, tan oniay intaynan da manlapud sakey a pasen anggad sananey a pasen:+
3 Tinmaynan irad Rameses+ diad koma-15 agew na unonan bulan.+ Diad samay mismon agew kayari na Paskua+ et pinmaway a mataletalek* iray Israelita diad pakanengneng na amin ya Ehipsio.
4 Kaleganan na satan et imponpon na saray Ehipsio so amin a panguloan a pinatey nen Jehova ed sikara,+ ta inukom nen Jehova iray dirios da.+
5 Kanian tinmaynan iray Israelita ed Rameses tan nankampo rad Sucot.+
6 Insan tinmaynan irad Sucot tan nankampo rad Etam,+ a walad gilig na kalawakan.
7 Insan tinmaynan irad Etam tan pinmawil irad Pihahirot, a sankabantag diman so Baal-Zefon,+ tan nankampo rad arap na Migdol.+
8 Kayari na satan et tinmaynan irad Pihahirot tan dinmalan irad pegley na dayat+ a paarap ed kalawakan+ tan nanakar ira na taloy agew diad kalawakan na Etam+ tan nankampo rad Mara.+
9 Insan tinmaynan irad Mara tan akasabi rad Elim. Natan et walay 12 subol na danum tan 70 kiew a palma diad Elim, kanian ditan so nankampoan da.+
10 Insan tinmaynan irad Elim tan nankampo rad gilig na Ambalangan Dayat.
11 Kayari na satan et tinmaynan irad Ambalangan Dayat tan nankampo rad kalawakan na Sin.+
12 Insan tinmaynan irad kalawakan na Sin tan nankampo rad Dofka.
13 Diad saginonor et tinmaynan irad Dofka tan nankampo rad Alus.
14 Insan tinmaynan irad Alus tan nankampo rad Refidim,+ a ditan et anggapoy danum a nainum na saray totoo.
15 Kayari na satan et tinmaynan irad Refidim tan nankampo rad kalawakan na Sinai.+
16 Tinmaynan irad kalawakan na Sinai tan nankampo rad Kibrot-hataava.+
17 Insan tinmaynan irad Kibrot-hataava, tan nankampo rad Hazerot.+
18 Kayari na satan et tinmaynan irad Hazerot tan nankampo rad Ritma.
19 Insan tinmaynan irad Ritma tan nankampo rad Rimon-perez.
20 Insan tinmaynan irad Rimon-perez tan nankampo rad Libna.
21 Tinmaynan irad Libna tan nankampo rad Risa.
22 Insan tinmaynan irad Risa tan nankampo rad Kehelata.
23 Insan tinmaynan irad Kehelata tan nankampo rad Palandey Sefer.
24 Kayari na satan et tinmaynan irad Palandey Sefer tan nankampo rad Harada.
25 Insan tinmaynan irad Harada tan nankampo rad Makelot.
26 Insan tinmaynan irad+ Makelot tan nankampo rad Tahat.
27 Kayari na satan et tinmaynan irad Tahat tan nankampo rad Tera.
28 Insan tinmaynan irad Tera tan nankampo rad Mitka.
29 Diad saginonor et tinmaynan irad Mitka tan nankampo rad Hasmona.
30 Insan tinmaynan irad Hasmona tan nankampo rad Moserot.
31 Insan tinmaynan irad Moserot tan nankampo rad Bene-jaakan.+
32 Tan tinmaynan irad Bene-jaakan tan nankampo rad Hor-hagidgad.
33 Insan tinmaynan irad Hor-hagidgad tan nankampo rad Jotbata.+
34 Diad saginonor et tinmaynan irad Jotbata tan nankampo rad Abrona.
35 Insan tinmaynan irad Abrona tan nankampo rad Ezion-geber.+
36 Kayari na satan et tinmaynan irad Ezion-geber tan nankampo rad kalawakan na Zin,+ salanti, Kades.
37 Diad saginonor et tinmaynan irad Kades tan nankampo rad Palandey Hor,+ diad ketegan na dalin na Edom.
38 Tan tinmatdang si Aaron a saserdote diad Palandey Hor lapud ganggan nen Jehova tan sikatoy inatey diman diad koma-40 taon kayari na intaynan na saray Israelita ed dalin na Ehipto, diad unonan agew na komaliman bulan.+
39 Si Aaron et mantaon na 123 sanen inatey ed Palandey Hor.
40 Natan et nadngelan na ari na Arad,+ say Canaanita a manaayam ed Negeb diad dalin na Canaan, so nipaakar ed insabi na saray Israelita.
41 Diad saginonor et tinmaynan irad Palandey Hor+ tan nankampo rad Zalmona.
42 Kayari na satan et tinmaynan irad Zalmona tan nankampo rad Punon.
43 Insan tinmaynan irad Punon tan nankampo rad Obot.+
44 Insan tinmaynan irad Obot tan nankampo rad Iye-abarim, diad ketegan na Moab.+
45 Diad saginonor et tinmaynan irad Iyim tan nankampo rad Dibon-gad.+
46 Kayari na satan et tinmaynan irad Dibon-gad tan nankampo rad Almon-diblataim.
47 Insan tinmaynan irad Almon-diblataim tan nankampo rad kapalandeyan na Abarim+ ed arap na Nebo.+
48 Diad kaunoran et tinmaynan irad kapalandeyan na Abarim tan nankampo rad saray patar a desierto na Moab diad abay na Jordan ed Jerico.+
49 Nantultuloy iran nankampo ed abay na Jordan, manlapud Bet-jesimot ya anggad Abel-sitim,+ diad saray patar a desierto na Moab.
50 Akitongtong si Jehova ed si Moises diad saray patar a desierto na Moab diad abay na Jordan ed Jerico, ya inkuan to:
51 “Mitongtong kad saray Israelita tan ibagam ed sikara, ‘Baliw yoy Jordan pian mamaarap kayod dalin na Canaan.+
52 Pataynan yoy amin a manaayam ed dalin tan deral yo so amin a rebulto ran gawad bato+ tan amin a metal ya estatua ra,+ tan nepeg yon igeba so amin a sagradon atagey a pasen da.+
53 Tan kayarianen yo so dalin tan manayam kayo ditan, ta seguradon iter kod sikayo so dalin.+
54 Nepeg yon apagen so dalin ed panamegley na pampapalaranan+ bilang sakey a kayarian na saray pamilya yo. Parad babaleg a grupo et aruman yo so tawir to, tan parad memelag a grupo et bawasan yo so tawir to.+ Say tawir na balang sakey et samay pinmaway parad sikato ed panamegley na pampapalaranan. Awat yoy kayarian yo bilang tawir unong ed saray tribu na kaamaan yo.+
55 “‘Balet no agyo pataynanen iray manaayam ed dalin,+ saramay inabuloyan yon nakera et magmaliw a makapaalipanes ed saray mata yo tan singa saray sabit ed saray diking yo, tan guloen da kayo diad dalin a panayaman yo.+
56 Tan gawaen kod sikayo so ninonot kon gawaen ed sikara.’”+
