Obadias 1:1-21
1 Say pasingawey ya anengneng nen Obadias:*
Oniay inkuan na Soberanon Katawan a Jehova nipaakar ed Edom:+
“Walay nadngelan min balita a nanlapud si Jehova,Walay mensahero a nibaki ed saray nasyon:
‘Alagey kayo, manparaan tayon milaban ed sikato.’”+
2 “Ginawa ta kan melmelag ed saray nasyon;Balbalawen kan maong.+
3 Say inkamapaatagey na pusom so amalikdo ed sika,+Sikan manaayam ed saray sanib na baleg a bato,Tan manaayam ed atagey a pasen, ya ibabagam ed sarilim,‘Siopay makapangiyabeba ed siak ed dalin?’
4 Anggano iyatagey moy ayaman mo* a singa say agila,Odino iyan moy ubong mo diad saray bitewen,Iyabeba ta ka,” so imbaga nen Jehova.
5 “No looban ka na saray matatakew, saray managsamsam no labi,(Agaylay pakaderal mo!)*
Agta takewen da labat so labay da?
Odino no onlad sika iray managburbor na ubas,Ag-ira kasi mangikeray natudtor?+
6 O agaylay impansukimat dad Esau!
Agaylay impanamsam dad saray akaamot a kayamanan to!
7 Dinagdag da ka ya anggad ketegan.
Tinilaan ka na amin a kaalyadom.*
Tinalo ka na saray lalakin kaibam ed kareenan.
Saramay kaibam a mamangay tinapay so mangiyan na iket ed silong mo,Balet agmo itan nalikas.
8 Diad satan ya agew,” so imbaga nen Jehova,“Agko ta deralen ed Edom iray marunong,+Tan saramay walaan na pakatebek ed mapalandey a rehyon na Esau?
9 Tan nataktakot iray sundalom,+ O Teman,+Ta naderal so balang sakey diad mapalandey a rehyon na Esau lapud nagawan panamatey.+
10 Lapud maruksan ginawam ed agim a Jacob,+Nabaingan kan maong,+
Tan naandi kad andi-anggaan.+
11 Diad samay agew ya inmalagey ka ed gilig,Diad samay agew ya inerel na saray agkabat a totoo so armada to,+Sanen nilooban na saray dayo so puerta to tan nampapalaranan ira+ pian panaapagan day Jerusalem,Kinmiwas kan singa sikara.
12 Agmo nepeg ya elek-elekan so agim diad samay agew a walay agawan mauges ed sikato,+Agmo nepeg a panliketan so agew na impakaandi na saray totoo na Juda,+Tan agka nepeg a manpasirayew diad agew na inkagonigon da.
13 Agka nepeg ya onloob ed puerta na saray totook diad agew na inkaderal da,+Agmo nepeg ya elek-elekan so paniirap to diad agew na inkaderal to,Tan agmo nepeg a samsamen so kayamanan to diad agew na inkaderal to.+
14 Agka nepeg ya onalagey ed nansangaan na saray dalan pian pateyen iray ontatakas a totoo to,+Tan saramay akaliktar a totoo to et agmo nepeg ya iyawat ed saray kalaban da diad agew na gonigon.+
15 Ta asingger la so agew nen Jehova sumpad amin a nasyon.+
No antoy ginawam, ontan met so gawaen ed sika.+
No antoy impantratom ed arum, ontan met so pantrato dad sika.
16 Ta no panon so inyinum yo na alak diad masanton palandey ko,Ontan met so tuloytuloy ya iyinum na amin a nasyon ed sanok ko.+
Inumen tan akmonen da itan,Tan magmaliw a singano ag-iran balot niwala.
17 Balet diad Palandey Sion so laen na saramay ontatakas,+Tan magmaliw itan a masanto;+Tan kayarianen la na sankaabungan nen Jacob iray bengatlan kien da.+
18 Magmaliw ya apoy so sankaabungan nen Jacob,Magmaliw a dalang so sankaabungan nen Jose,Tan magmaliw a dayami so sankaabungan nen Esau;Poolan tan upoten da ra.Tan anggapoy makaliktar ed sankaabungan nen Esau,+Ta si Jehova a mismo so angibaga.
19 Kayarianen da so Negeb tan say mapalandey a rehyon na Esau,+Say Sefela tan say dalin na saray Filisteo.+
Kayarianen da so uma na Efraim tan say uma na Samaria,+Tan kayarianen na Benjamin so Gilead.
20 Saray narel ed sayan pandepensan padir,*+Saray totoo na Israel so mangayarian ed dalin na saray Canaanita ya anggad Zarepat.+
Tan saray narel ed Jerusalem, a walad Sefarad, so mangayarian ed saray syudad na Negeb.+
21 Tan ontatdang ed Palandey Sion iray manangiliktar,Pian ukomen da so mapalandey a rehyon na Esau,+Tan si Jehova so magmaliw ya ari.”+
Paimanod leksab
^ Kabaliksan toy “Lingkor nen Jehova.”
^ Odino posiblin, “ontikyab kay atagey.”
^ Odino posiblin, “Kaunongay deralen da?”
^ Odino “amin iramay akisipanan ed sika.”
^ Odino “malet a padir.”
