Oseas 11:1-12
11 “Inarok so Israel sanen ugaw ni,+Tan tinawag ko so ana’ko ed Ehipto.+
2 No kapigan da* ra tatawagen,Diman met ira onaarawi.+
Nantultuloy irad pambabagat dad saray imahen nen Baal+Tan pangiyaapay da na bagat ed saray imahen.+
3 Balet siak so angibangat ed Efraim a manakar,+ ya aawiten ko ra ed saray taklay ko;+Tan agda binidbir a siak so amaabig ed sikara.
4 Guguyoren ko rad panamegley na saray lubir na totoo,* diad panamegley na saray bedber na aro;+Tan nagmaliw ak ed sikara a singa sakey a mangeekal na pako ed saray tenger da,*Tan mauyamo ak ya angiter na naakan ed balang sakey.
5 Ag-ira ompawil ed dalin na Ehipto, balet say Asirya so magmaliw ya ari ra,+Lapud agda labay so ompawil ed siak.+
6 Tan sakey ya espada so onwasiwas ed saray syudad to+Tan deralen tan akmonen na satan iray balewet to lapud saray pakana ra.+
7 Determinadon agmanmatoor ed siak iray totook.+
Tinawag da ra pian mamaatagey,* balet anggapoy inmalagey.
8 Panoy pamaulyan kod sika, O Efraim?+
Panoy pangiyawat kod sika, O Israel?
Nagawaan ko kasid sika so singa impantratok ed Adma?
Nagawaan ko kasid sika so singa ginawak ed Zeboim?+
Anguman so nonot ko;Atenyeg* met so panangabagey ko.+
9 Agko la ipatnag so mandarlang a sanok ko.
Agko la deralen so Efraim,+Ta Dios ak tan aliwan too,Say Masanton Dios ed pegley yo;Tan agak onsabid sikayo ya onsasanok.
10 Ontumbok irad si Jehova, tan sikatoy onaglem a singa leon;+No sikatoy onaglem, onsabin manggiwgiw iray ananak to manlapud sagur.+
11 Onggiwgiw iran singa manok sano ompaway irad Ehipto,Singa sakey a malapati a nanlapud dalin na Asirya;+Tan panayamen ko rad kaabungan da,” so imbaga nen Jehova.+
12 “Katilaan labat so ibabagad siak na Efraim.Inerman so lingawen ko et nanenengneng koy panagsaol na Israel.+
Balet siansia nin manaakar* so Juda a kaulop na Dios,Tan sikatoy matoor ed samay Sankasantosan.”+
Paimanod leksab
^ Salanti, saray propeta tan arum ni ran nibaki a manbangat ed Israel.
^ Odino “saray lubir na kaabigan,” a singa uusaren na sakey ya ateng.
^ Literal, “saray panga ra.”
^ Salanti, atagtagey a klase na panagdayew.
^ Literal, “Pinmetang.”
^ Odino “manliliber.”
