Oseas 13:1-16
13 “Nen nansalitay Efraim, ginmiwgiw iray totoo;Sikatoy prominente ed Israel nensaman.+
Balet sikatoy nankasalanan tan inatey lapud impandayew tod si Baal.+
2 Natan et lalon dinmakel so kasalanan daTan nanggawa ra na saray metal ya estatua ya inusar da iray pilak da;+Eksperto rad panaggaway idolo, a saratan ya amin et ginawa na saray marunong a komikimey.
Ibabaga rad saray idolo, ‘Angoban komon na saray totoon manbabagat iray kilaw a baka.’+
3 Kanian magmaliw iran singa lurem ed kabuasan,Singa linaew a naandin tampol,Singa taep ya intikyab na bagyo manlapud panag-ilikan,Tan singa asewek ya ompapaway ed pasengawan ed atep.
4 Balet siak si Jehova a Dios mo manlapu la nen wala kad dalin na Ehipto;+Anggapo lay arum a Dios a kabat mo noag siak labat,Tan anggapo lay arum a manangiliktar.+
5 Inimano ta ka diad kalawakan,+ diad amagan dalin.
6 Naksel irad saray pangipapastolan ed sikara,+Naksel ira tan nagmaliw a mapaatagey so puso ra,
Kanian alingwanan da ak.+
7 Magmaliw ak a singa mabiskeg a leon ed sikara,+Singa leopardo a manatalaran ed dalan.
8 Sabaten ko ra a singa oso a naandiay ananak,Tan bingkasen koy pagew da.*
Singa ak leon a mangakmon ed sikara;Sakey ya atap ya ayep so mamingbingkas ed sikara.
9 Satan so maneral ed sika, O Israel,Lapud sinmumpa kad siak, say mananulong mo.
10 Kawalaan sirin na arim pian ilaban to ka diad amin a syudad mo,+Tan saray manuley* mo, a lapud sikara et ibabagam ya,‘Ikdan mo ak na ari tan priprinsipe’?+
11 Inikdan ta kay ari lapud pasnok ko,+Tan sikatoy alaen ko lapud sanok ko.+
12 Apunggos* so inkauges na Efraim;Nisinop so kasalanan to.
13 Onsabid sikato so pampasakit na biin manaanak.
Balet sikatoy sakey ya ugaw ya andiay karunongan;Sikatoy ag-ompaway diad panaon na kiyanak to.
14 Dondonen ko rad pakayari na Lubok;*Bawien ko rad patey.+
Kawalaay ansakisakit a ketket mo, O Patey?+
Kawalaay pakayarim a maneral, O Lubok?+
Balet agko ipatnag so panangasi.
15 Anggano sikatoy magmaliw a mabuna ed kawalaan na saray tanubong,Onsabi so dagem a manlalapud bukig, say dagem nen Jehova,Onsabi itan manlapud desierto, pian pamagaen toy bobon to tan paekaten toy subol to.
Samsamen na satan so panagtiponan na amin a mablin kagawaan to.+
16 Ebatan na Samaria so kasalanan to,+ ta sikatoy nanrebelde ed Dios to.+
Ompatey irad espada,+Natemek iray ananak da,Tan nabutbutyakan iray bibiin malukon.”
