Oseas 2:1-23
2 “Ibaga yod saray agagi yon lalaki, ‘Saray totook!’*+Tan ed saray agagi yon bibii, ‘O biin kinasian!’*+
2 Akusaan yoy ina yo; akusaan yo,Ta sikatoy agko asawa+ tan agto ak asawa.
Nepeg ton itunday prostitusyon* a gagawaen toTan say pikakalugoran to,
3 Ta no andi, sikatoy lakseban ko tan pagmaliwen kon singa diad samay agew na inkiyanak to,Pagmaliwen kon singa kalawakan,Gawaen kon amagaan a dalin,Tan pateyen kod kapgaan.
4 Tan agko kasian iray anak to,Ta niyanak ira lapud prostitusyon.*
5 Ta akilawanan* so ina ra.+
Sikato ya angilukon ed sikara et kinmiwas a makapabaing,+ ta imbaga ton,‘Tumboken ko iramay manangarok,+Saramay mangiiter ed siak na tinapay tan danum,Kawes a gawad bagoy karnero tan linen, larak tan inumen ko.’
6 Kanian saraan koy sabisabit so dalan to;Tan mangipaalagey ak na padir sumpad sikato,Pian agto naromog iray dalan to.
7 Usilan to iray manangaro to, balet agto ra naabotan;
Anapen to ra, balet agto ra naromog.+Insan to ibagan, ‘Ompawil ak ed samay inmunan asawak,+
Ta magmaong ni ed saman so kipapasen ko nen say natan.’+
8 Agto binidbir a siak so angiter ed sikato na ilik,+ balon alak, tan larak,Tan siak so angiter ed sikato na dakerakel a pilakTan balitok, a saratan et inusar da parad si Baal.+
9 ‘Kanian ompawil ak tan alaen kod sikato so ilik ko diad panaon na panag-aniTan say balon alak ko ed panaon na panagtipon,+Tan alaen kod sikato so kawes kon gawad bagoy karnero tan linen a pansasakbong tod inkalakseb to.
10 Ipanengneng ko natan ed saray manangaro to iray pribadon parte na laman to,Tan anggapoy lakin makapangiliktar ed sikato ed limak.+
11 Panganggaen koy amin a panliliket to,Saray piesta to,+ saray panseselebra toy balon bulan, sabaton, tan amin a panaon na piesta to.
12 Tan deralen koy kaubasan to tan saray kiew ton igos, ya ibabaga ton:
“Saraya so upak ya inter na saray manangarok”;Pagmaliwen ko iratan a katakelan,Tan upoten iratan na saray atap ya ayep.
13 Mikuentaan ak ed sikato lapud saray agew na impambagat tod saray imahen nen Baal,+Sanen insulong to iray ikaw to tan saray parakep to tan tinmumbok ed saray manangaro to,Balet nilingwanan to ak,’+ so imbaga nen Jehova.
14 ‘Kanian sikatoy kombinsien ko,Sikatoy iwanwan kod kalawakan,Tan mansalita ak pian naalak so puso to.
15 Manlapu lad satan a panaon et ipawil kod sikato iray kaubasan to,+Tan say Lawak* na Acor+ bilang puerta a mamaarap ed ilalo;Ebatan to ak diman a singa diad saray agew na inkaugaw to,Singa diad agew na impaway tod dalin na Ehipto.+
16 Tan diad satan ya agew,’ so imbaga nen Jehova,‘Tawagen to ak lan Asawak, tan agto ak la tawagen a Katawan Ko.’*
17 ‘Agko la paibalikas ed sikato iray ngaran na saray imahen nen Baal,+Tan agla nanonotan iray kangaranan da.+
18 Diad satan ya agew et manggawa ak parad sikara na pisisipanan ed saray atap ya ayep,+Tan ed saray manok tan ed saray onkukurong a bengatla diad dalin;+Paandien kod dalin so pana tan espada tan guerra,+Tan parukolen* ko ra a walaay kaligenan.+
19 Alaen ta ka bilang nobyak ed andi-anggaan;Tan alaen ta ka bilang nobyak unong ed inkatunong tan inkahustisya,Ed matoor a panangaro tan panangasi.+
20 Alaen ta ka bilang nobyak unong ed katooran,Siak si Jehova, tan nakabkabat mo ak.’+
21 ‘Diad satan ya agew et onebat ak,’ so imbaga nen Jehova,‘Iter koy kerew na tawen,Tan iter met na tawen so kerew na dalin;+
22 Tan iter met na dalin so kerew na ilik tan say balon alak tan say larak;Tan iter met na saraya so kerew na Jezreel.*+
23 Sikatoy itanem kod dalin a singa bini a parad siak,+Tan ipatnag koy panangasik ed sikato ya agkinasian;*Ibagak ed saramay aliwan totook:* “Sikayo iray totook,”+
Tan ibaga ra: “Sika so Dios mi.”’”+
Paimanod leksab
^ Odino “imoralidad.”
^ Odino “imoralidad.”
^ Odino “akibiang ed imoralidad.”
^ Odino “Abeban Patar.”
^ Odino “Baal Ko.”
^ Odino “panayamen.”
^ Kabaliksan toy “Say Dios so Mantanem na Bini.”
