Oseas 6:1-11
6 “Gali, ompawil itayod si Jehova,Lapud biningbingkas to itayo,+ balet paabigen to itayo.
Sinusugat to itayo, balet bedberan to iray sugat tayo.
2 Bilayen to itayo kayari na duay agew.
Ibangon to itayo diad komatlon agew,Tan manbilay itayod arapan to.
3 Sikatoy kabaten tayo, panggunaetan tayon kabaten si Jehova.
Say ipaway to et seguradon onsabi a singa say palbangon;Sikatoy onsabi ed sikatayo a singa ompepelag ya uran,Singa unor ya uran a manasalog ed dalin.”
4 “Antoy gawaen kod sika, Efraim?
Antoy gawaen kod sika, Juda?
Ta say matoor a panangaro yo et singa saray lurem ed kabuasan,Singa linaew a naandin tampol.
5 Kanian batangen ko rad panamegley na saray propeta;+Pateyen ko rad panamegley na saray salitan ibabalikas na sangik.+
Tan onsinag a singa liwawa iray panangukom parad sika.+
6 Ta panliketan ko so matoor a panangaro,* aliwan say bagat,Tan say pikakabat ed Dios, imbes a saray interon apay a popoolan.+
7 Balet singa say makasalanan a too, sinumlang da so sipanan.+
Ag-ira nanmatoor ed siak.
8 Say Gilead et baley na saray manggagaway mauges,+Napno na saray bakat a nandala.+
9 Say ulop na saray saserdote et singa ulop na matatakew a manatalaran na too.
Mamapatey ira diad dalan ed Siquem,+Lapud makapabaing so kagagawa ra.
10 Anengneng kod sankaabungan na Israel so sakey a makapadimlan bengatla.
Ditan et manggagaway prostitusyon so Efraim;+Dinutakan na Israel so sarili to.+
11 Tan sika, O Juda, walay panaon na panag-ani a nigeter parad sika,Sano tiponen ko iray naaripen ed saray totook.”+
Paimanod leksab
^ Odino “so panangasi.”