Oseas 7:1-16
7 “Kapagno paabigen ko lay Israel,Nipaparungtal met so kasalanan na Efraim,+Tan say inkauges na Samaria.+
Ta manggagawa ray panagpalikdo;+Onloloob iray matakew tan onlulusob ed paway iray tulisan.+
2 Balet agda ibabalikas ed puso ra a nonoten koy amin ya inkauges da.+
Natan et akapaliber ed sikara iray pidedeneng da;Wala lad mismon arapan ko iratan.
3 Papaliketen da so ari lapud inkauges da,Tan saray prinsipe lapud panagsaol da.
4 Amin da et mikakalugoran.Singa ra pugon a paparlangan na panadero,A sikatoy ontunda nin mansunglor sano kamesen toy masa anggad onlebag itan.
5 Diad agew na ponsia na ari tayo, nansakit iray prinsipe—Sinmanok ira lapud alak.+
Inyunat toy lima tod saray managludlurey.
6 Lapud onaasingger ira a walaay puson mandarlang a singa pugon.*
Sanlabin naugip so panadero;Diad kabuasan, say pugon et mandarlang a singa manliob ya apoy.
7 Ampetang iran amin a singa pugon,Tan aakmonen da ray manuley* da.
Atumba so amin ya arari ra;+Anggapod sikara so ontatawag ed siak.+
8 Akiulop so Efraim ed saray nasyon.+
Say Efraim et singa bibingka ya agpinigar.
9 Inupot na saray dayo so biskeg to,+ balet agto amta.
Tan pinmuti so ulo to lapud saray uban, balet agto naimano.
10 Say inkamapaatagey na Israel so nantasi sumpad sikato,+Balet ag-ira pinmawil ed si Jehova a Dios da,+Tan sikatoy agda inanap anggaman ed sayan amin.
11 Say Efraim et singa andiay kalakal a malapati, sikatoy andiay pakatebek.*+
Tinmawag irad Ehipto;+ linma rad Asirya.+
12 Inerman so laen da, ipelag kod sikara so iket ko.
Iyabebak ira a singa saray mantikyab a manok.
Disiplinaen ko ra unong ed pasakbay ya inter kod sikara sanen nantitipon ira.+
13 Pakaskasi la ra, ta tinaynan da ak!
Kadederal ed sikara, ta nankasalanan irad siak!
Dondonen ko la ra komon, balet nansalita ra na tilatila sumpad siak.+
14 Manlapud puso ra et ag-ira kinmerew na tulong ed siak,+Anggaman nantultuloy iran manak-akis ed saray dukolan da.
Sasalgeren day sarili ra lapud saray ilik da tan balon alak da;Sinmumpa rad siak.
15 Anggaman dinisiplinak ira tan pinabiskeg ko iray taklay da,Sinmumpa rad siak, tan nannonot ira na mauges.
16 Anguman ira, balet aliwan diad bengatlan atagtagey;*Ag-ira napanmatalkan a singa makulkulaney a pana.+
Ompatey ed espada iray prinsipe ra lapud rebelyoson dila ra.
Saya so rason no akin ya inelek-elekan irad dalin na Ehipto.”+
Paimanod leksab
^ Odino posiblin, “Lapud singa pugon so puso ra sano onasingger ira ed panamegley na saray pakana ra.”
^ Literal, “ukom.”
^ Literal, “andiay puso.”
^ Salanti, aliwan diad niyatagey a klase na panagdayew.
