Oseas 8:1-14
8 “Paknol yoy tambuyog!+
Walay onsasabin singa agila sumpad abung nen Jehova,+Lapud sinumlang day sipanan ko+ tan nankasalanan irad ganggan ko.+
2 Ontatawag irad siak, ‘O Dios mi, kabat mi ka, sikami ya Israel!’+
3 Impulisay na Israel so maabig.+
Sikatoy usilan komon na sakey a kabusol.
4 Anuro ra na arari, balet aliwan diad panangiwanwan ko.
Anuro ra na priprinsipe, balet agko iratan binidbir.
Nanggawa ra na saray idolo ra ed panamegley na pilak tan balitok da,+A sengegay pakaderalan da.+
5 Agko inawat so kilaw a baka ya imahen mo, O Samaria.+
Dinmalang so pasnok kod sikara.+
Anggad kapigan ya agda nalinisan so sarili da ed sayan kasalanan?
6 Ta nanlapu itan ed Israel.
Ginawa na sakey a marunong a komikimey, tan aliwa itan a Dios;Nabuybuyak so kilaw a baka ya imahen ed Samaria.
7 Ta dagem so itatanem da,Tan maksil a dagem so anien da.+
Anggapoy sengeg a mamawalay gapasen* a pagey.+Antokaman ya ontubo et agmamawalay arina.
No wala bilang so napawala, akmonen lanlamang itan na saray dayo.*+
8 Naakmon so Israel.+
Nitaytayak ira ed saray nasyon,+A singa sakey ya aglabalabay a pananginan.
9 Ta linma rad Asirya,+ a singa manbukbukor ya atap ya asno.
Angupa na bibii so Efraim pian magmaliw a manangaro to.+
10 Anggaman saray manangaro ya inupaan da et nanlapud saray nasyon,Erelen ko ra natan;Manirap ira+ lapud pabelat a nanlapud ari tan saray prinsipe.
11 Ta pinarakel na Efraim iray altar kanian sikatoy nankasalanan.+
Nagmaliw iratan ya altar a sengegay pankakasalanan to.+
12 Insulat ko parad sikato so dakel a bengatla ed ganggan* ko,Balet impasen da iratan a singa nikadkaduman bengatla.+
13 Manbabagat irad siak na saray regalo, tan kakanen da so karne,Balet ag-iratan panliketan nen Jehova.+
Nonoten to natan so impakasumlang da tan dusaen to ra lapud saray kasalanan da.+
Pinmawil ira* ed Ehipto.+
14 Nilingwanan na Israel so Manamalsa to,+ tan angipaalagey na saray templo,+Tan pinarakel na Juda iray apadiran a syudad.+
Balet mangibaki ak na apoy ed saray syudad to,Tan upoten na satan iray tori ed saratan a syudad.”+
Paimanod leksab
^ Odino “akaalagey.”
^ Odino “saray agkabat a totoo.”
^ Odino “bangat.”
^ Odino posiblin, “Ompawil ira.”
