Proverbio 18:1-24
18 Siopaman ya isisian toy inkasikato et manaanap na makasarili iran pilalek to;Ipupulisay* toy amin a makanan karunongan.
2 Say toon makulangkulang et agnaliliketan ed pakatalos;Mas labay to nin ipaamta so walad puso to.+
3 Sano onsabi so mauges a too, onsabi met so panagleglemew,Tan say kaiba na kababaingan et kabandayan.+
4 Saray salita na sakey a too et singa araralem a danum.+
Say subol na karunongan et singa manbubwak a kulos.
5 Aliwan maabig a paboran so mauges+Odino isiblet so hustisya ed matunong.+
6 Say panagsalita na makulangkulang et mansumpal ed pankokolkol,+Tan say sangi to et manatawag na lewet.+
7 Say sangi na makulangkulang et pakaderalan to,+Tan say bibil to et sakey a patit ed bilay* to.
8 Saray salita na managpauges et singa mananam iran kakanen;*+Aakmonen iratan tan oonlad eges.+
9 Siopaman a mangiras a mankimeyEt agi na samay pansesengegay kadederal.+
10 Say ngaran nen Jehova et sakey a mabiskeg a tori.+
Ditan ombabatik so matunong tan naproprotektaan.*+
11 Say kayamanan na toon mayaman et singa apadiran a syudad to;Diad imahinasyon to et singa itan padir a manproprotekta.+
12 Say inkamapaatagey na puso na too et mansumpal ed kadederal,+Tan say inkamapaabeba et mansumpal ed kigloria.+
13 No say sakey et oneebat la antis to nin narengel so tua,Satan et kakulangkulangan tan kababaingan.+
14 Say espiritu na sakey a too so mamabiskeg ed sikato legay pansasakit to,+Balet siopay makaanos ed nagogonigon ya espiritu?*+
15 Say puso na toon makatalos et onggagamor na kakabatan,+Tan say layag na marunong et maseeseet a manaanap na kakabatan.
16 Say regalo na too so mangilulukas na dalan parad sikato;+Mangiiter itan ed sikato na pankanawnawan naasinggeran iray importantin totoo.
17 Samay unonan mangisalaysay ed kaso to et singa duga,+Anggad sikatoy komprontaen tan tepet-tepetan* na kalaban.+
18 Say pampapalaranan so mamapatunda ed saray kolkolan+Tan mandedesidi ed baetan na saray* malet a mankalaban.
19 Say agin asakitan et mas mairap a pasukoen nen say apadiran a syudad,+Tan wala ray kolkolan a singa balewet na panag-amotan.+
20 Say eges na sakey a too et napesel manlapud bunga na sangi to;+Sikatoy napenek ed saray papawalaen na bibil to.
21 Say patey tan bilay et walad pakayari na dila;+Saramay malabay a mangusar ed satan et mangan na bunga to.+
22 Samay akaromog na maong ya asawan bii et akaromog na maong a bengatla,+Tan makakaawat na pabor* nen Jehova.+
23 Samay mairap-bilay et mikakasi sano mansasalita,Balet samay mayaman et ansakisakit ya onebat.
24 Wala ray sankakaiba ya akaparaan a maneral ed sakey tan sakey,+Balet walay kaaro a mas mansiansia ed abay mo nen say sakey ya agi.+
Paimanod leksab
^ Odino “Leleglemewen.”
^ Odino “kamarerwa.”
^ Odino “singa saray bengatlan tampol ya aakmonen.”
^ Literal, “niyatagey,” salanti, agnaabot, liktar.
^ Odino “pinasyan ermen?”
^ Odino “usisaen.”
^ Literal, “pansisianen to iray.”
^ Odino “kaabigay-linawa.”
