Proverbio 3:1-35
3 Ana’ko, agmo lilingwanan so bangat* ko,Tan unoren mo komon ed interon pusom iray ganggan ko,
2 Lapud parakelen da iray agew moTan saray taon na bilay mo tan naikdan ka na kareenan.+
3 Agmo aabuloyan a taynan ka na matoor a panangaro tan katooran.*+
Isinger mo iratan ed beklew mo;Iyukit mo iratan ed pusom;+
4 Diad ontan et nagamoran moy panangabobon na Dios tan too,Tan ipasen da kan walaay aralem a pakatalos.+
5 Manmatalek ka ed si Jehova+ diad interon pusom,Tan agka mandedepende* ed dilin pakatalos mo.+
6 Diad amin a dalan mo et sikatoy nonoten mo,+Tan gawaen ton maptek iray basbas mo.+
7 Agka magmamaliw a marunong ed dilin pakanengneng mo.+
Takotan moy Jehova tan paliisan moy mauges.
8 Pakaabigan itan na laman* moTan pakainawaan na saray pukel mo.
9 Igalang moy Jehova diad panamegley na mablin kaykayarian mo,+Tan saray unonan bunga na* amin ya aanien mo;*+
10 Diad ontan et napanopano iray kamalir mo,+Tan onleppua so balon alak ed saray pananginan* mo.
11 Ana’ko, agmo komon ipupulisay so disiplina nen Jehova,+Tan agmo bubusolen so panametek to,+
12 Ta saramay aaroen nen Jehova et ipepetek to,+A singa gagawaen na sakey ya ama ed anak a papablien to.+
13 Maliket so toon makakaromog na karunongan+Tan say toon makakagamor na pakatebek;
14 Ta say pakagamor na karunongan et magmaong ni nen say pakagamor na pilak,Tan magmaong ni itan a nagunggona nen say balitok.+
15 Mas mabli ni itan nen saray korales;*Agmakapipara ed satan so antokaman a pipirawaten mo.
16 Andukey a bilay so walad kawanan a lima to;Kayamanan tan kagalangan so walad kawigin lima to.
17 Saray dalan to et makapaliket,Tan amin a basbas to et maligen.+
18 Sikatoy kiew na bilay diad saramay ombebemben ed sikato,Tan ipasen a maliket iramay akabemben a maong ed sikato.+
19 Diad karunongan et inletneg nen Jehova so dalin.+
Diad pakatebek et inletneg ton malet so katawenan.+
20 Diad panamegley na kakabatan to et nibuang iray danum na tawenTan say malurem a katawenan et angipelag na linaew.+
21 Ana’ko, komon ta agmo iratan* lilingwanan.
Alwaran mo so makanan karunongan tan say abilidad a mannonot;
22 Bilay so iter dad sika,*Tan magmaliw iran parakep ed beklew mo;
23 Diad ontan et manakar kan maligen diad dalan mo,Tan agbalot natiror* so salim.+
24 Sano ondukol ka et anggapoy takotan mo;+Ondukol ka, tan masamit so ugip mo.+
25 Agmo takotan so biglan isabi na makapakebbiew a bengatla,+Anggan say bagyo ya onsasabi ed mauges.+
26 Ta si Jehova so seguradon panlapuan na kompiyansam;+Agto abuloyan a napatitan so salim.+
27 Agmo isisiblet so kamaongan ed saramay nepeg mon pangiteran*+No walay pakayarim* ya ontulong.+
28 Agmo ibabagad kaabay mo, “Sempet ka ni; pawil ka la dia! Nabuas ko la iter ed sika,”
No sarag mo lan iter natan.
29 Agka manplaplanoy mauges ed kaabay mo+A maligeligen so liknaan tod sika.
30 Agka mikokolkol ya anggapoy makasengeg ed sakey a too+No anggapo met so ginawa ton mauges ed sika.+
31 Agmo iibegan so maruksan too+Tan agmo aaligen so dinanman a kagagawa to,
32 Ta kabusol nen Jehova so sakey a mapalikdo,+Balet Sikatoy maapit a kaaro na maptek a too.+
33 Isasamba nen Jehova so abung na mauges,+Balet bebendisyonan toy ayaman na matunong.+
34 Ta balbalawen to iramay managmudmora,+Balet aabobonan to iray mauyamo.+
35 Saray marunong et tawiren day kagalangan,Balet saray makulangkulang et iglogloria day kababaingan.+
Paimanod leksab
^ Odino “ganggan.”
^ Odino “katuaan.”
^ Literal, “onsasaral.”
^ Literal, “puseg.”
^ Odino “nanaalmom.”
^ Odino “say sankaabigan ed.”
^ Odino “saray panagpespesan na ubas.”
^ Mapatnag a manutukoy ed saray kualidad na Dios ya abitla ed inmuna iran bersikulo.
^ Odino “kamarerwam.”
^ Odino “agbalot nikenad antokaman.”
^ Odino “walay pakayari na limam.”
^ Odino “ed samay akautangan na satan.”
