Salmo 103:1-22
Salmo nen David.
103 Idayew ko* si Jehova;Idayew na amin a kabiangan na laman ko so masanton ngaran to.
2 Idayew ko* si Jehova;Komon ta agkon balot nalingwanan so amin a ginawa to.+
3 Peperdonaen toy amin a lingom+Tan papaabigen toy amin a sakit mo;+
4 Ililiktar toy bilay mo manlapud abot*+Tan kokoronaan to ka na matoor a panangaro tan panangasi.+
5 Diad interon bilay mo et pepeneken to ka na maong iran bengatla,+Pian say kaksilan mo et napasimbalo a singa ed sakey ya agila.+
6 Si Jehova et mangipapatnag na inkatunong+ tan hustisyaEd amin a nalalames.+
7 Impaamta tod si Moises iray dalan to,+Diad saray ananak na Israel iray gagawaen to.+
8 Si Jehova et mapangasi tan maabagey,+Matantan a manpasnok tan abalbaleg so matoor a panangaro* to.+
9 Agto lawas nonoten iray lingo tayo,+Tan agmansiansia ya anggad angga so sakit na linawa to.+
10 Agto ginawa ed sikatayo so unong ed saray kasalanan tayo,+Tan agto imbales ed sikatayo so manepeg ed saray lingo tayo.+
11 Ta no panon a say tawen et atagtagey nen say dalin,Say matoor a panangaro to ed saramay ontatakot ed sikato et abalbaleg.+
12 No panoy kaarawi na bubutayan na agew manlapud seselekan to,Ontan so impangiyarawi to ed sikatayo na saray kasalanan tayo.+
13 No panoy panangasi na sakey ya ama ed saray anak to,Ontan so panangasi nen Jehova ed saramay ontatakot ed sikato.+
14 Ta amta to so inkagawa tayo,+A sankanonot ton dabok itayo.+
15 Say bilay na too et singa katikey na bilay na dika;+Sikatoy ombubulaslas a singa rosas ed uma.+
16 Balet sano onsiplog so dagem et naandi la,A singa agbalot tinmubo ditan.*
17 Balet say matoor a panangaro nen Jehova et mansiansia ya anggad angga*Diad saramay ontatakot ed sikato,+Tan say inkatunong to ed saray anak na ananak da,+
18 Diad saramay manusumpal ed sipanan to+Tan saramay maalwar a manguunor ed saray ganggan to.
19 Si Jehova et inletneg ton malet so trono to ed katawenan;+Tan bilang ari et uuleyan to so amin a bengatla.+
20 Idayew yoy Jehova, amin yon anghel to+ a mabiskeg ed pakayari,Sikayo a manusumpal ed salita to+ tan manguunor ed boses to.*
21 Idayew yoy Jehova, amin yon armada to,+Sikayo ran lingkor to a manggagaway linawa to.+
22 Idayew yoy Jehova, amin yon pinalsa to,Diad amin a pasen ya uuleyan to.*
Idayew ko* si Jehova.
Paimanod leksab
^ Odino “na kamarerwak.”
^ Odino “na kamarerwak.”
^ Odino “lubok.”
^ Odino “maaron-kaabigan.”
^ Literal, “Tan agla itan kabat na pasen to.”
^ Odino “manlapud andi-anggaan ya anggad andi-anggaan.”
^ Literal, “ondedengel ed boses (tanol) na salita to.”
^ Odino “pasen a walad soberanya to.”
^ Odino “na kamarerwak.”
